Mareko 15:34 - Te B'aib'ara

³⁴ Ngke e bo tenua, ao E takarua Iesu n te b'ana ae korakora, ao E kangai, “Eroi, Eroi, ram'a tab'aketani?” ae nanona, “Atuau, Atuau, e aera ngkai Ko kitanai?”

Mareko 15:34 ပူးပေါင်းရင်းမြစ်များ

Taian Areru 22:1

Atuau, Atuau, Ko aera ngkai Ko kitanai? I tang ni korakai ni kainanoa buokau, ma akea ae roko.

Taian Areru 27:9

Ma ngaia ae tai karabako mairou. Ngai ae am Toro, te UEA Ko a tia ni buokai; Tai kitanai, tai taeanibai nako mai rou, Ngkoe ae te Atua, ae au Tia Kamaiu.

Taian Areru 42:9

I kaangai nakon te Atua ae te tia kamanoai, Ko aera ngkai Ko m'anuokai? I aera ngkai N na teimatoa n rawaawata ni b'ainikirinau iroun te tia ribaai?

Taian Areru 71:11

A taku, “E a tia te Atua ni kitanna; ti na ri mwina n taua; akea ae na kamaiua.”

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

B'aeb'aeti 1:12

E tang nakoia ake a ri rarikina, “Bon akea katotongan te rawaawata ae irou, ae E anganai te UEA b'a oreau.”

B'aeb'aeti 5:20

Bukin tera ngkai Ko aki toki ni m'anuokiniira? Ko bia manga ururingiira?

Taniera 9:21

Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.

Mataio 27:45

Ngke e a tawanou, ao e roo aon te aba ni kabane ni karokoa te aoa tenua n te tanimaeaontaai.

Mataio 27:46

Ao ngke tao te aoa tenua, ao E takarua Iesu n te b'ana ae korakora, ni kangai, “Eri, Eri, ram'a tab'aketani?” ae nanona, “Atuau, Atuau, E aera ngkai Ko kitanai?”

Mareko 15:25

Te aoa ruaiwa n te ingabong ngke a katinea Iesu i aon te kaibangaki.

Mareko 15:35

A ongo b'anaana aomata ake a teitei ikekei ao a taku, “Noria, E wetea Eria!”

Ruka 23:44

Tao e a tawanou, ao e roo aon te aba ni kabanea ni karokoa te aoa tenua n te tanimaeaontaai.

Ruka 23:46

Ao E taetae ngkanne Iesu n te b'ana ae korakora, ao E kangai, “Tamau, I kaaki tamneiu i nanoni baim!” Ao ngke E tia n atonga aei, ao E mate.

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.