Mareko 15:14 - Te B'aib'ara

¹⁴ E taku Birato nako ia, “Ao, b'a tera te b'ai ae buakaka ae E a tia ni karaoia?” Ma a kanenei b'anaaia n takarua, ni kangai, “Kamatea i aon te kaibangaki!”

Mareko 15:14 ပူးပေါင်းရင်းမြစ်များ

Taian Areru 69:4

Te koraki ake a ribaai n akea bukina a m'aiti riki nakoni m'aitin iran atuu. A tabeki taeka ni kewe n eekainako iai; A korakora ake a kani kamateai. A tauai ma te matoa b'a N na kaoki b'aai ake I aki I raei.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Itaia 53:9

E raoiroi ao e nimaamannei, ma e taunaki n ruanimateia aika a iowawa ao a kaub'ai.

Mataio 27:19

Ngke e tekateka Birato n ana tabo are e momotiki taeka iai, ao e kanakoa ana rongorongo buuna nako ina, ae kangai, “Akea te bae kam na karaoia nakon te aomata ane raoiroi anne, b'a I miia ngke e tairiki ao I aki rau iai.”

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Mareko 15:13

A takarua nako ina, ni kangai, “Kamatea i aon te kaibangaki!”

Mareko 15:15

E kani kakukurei nanoia aomata Birato, ma ngaia are e kab'ara B'arab'a i bukiia; ao ngke E a tia ni kataereaki Iesu, ao e anga b'a E na kamateaki i aon te kaibangaki.

Ruka 23:21

ma a takaarua ni kangai, “Kamatea n te kaibangaki! Kamatea n te kaibangaki!”

Ruka 23:4

Ao e taku Birato nakoia aia mataniwi ibonga ao nakoia aomata, “Akea te b'ai ae buakaka ae I kunea iroun te Aomata aei.”

Ruka 23:41

Ao ngaira, e bon riai n reke aei i roura; b'a ti karekea mwin are ti a tia ni karaoia, ao Teuaei E aki karaoa ae buakaka.”

Ruka 23:47

Ao mataniwin te taanga ni buaka are tebubua kaaina, ngke e nora te baere riki, ao e karaoiroa te Atua, ni kangai, “Bon te aomata ae akea ana bure Teuaei!”

Ioane 18:38

E taku Birato nakoina, “Ao tera te koaua?” Ngke e tia n atonga aei Birato, ao e a manga oti nako nakoia I-Iutaia, ao e taku nakoia, “Akea ana bure ae I kunea.

Ioane 19:6

Ngke a noria ngkanne ibonga ake mataniwi ma bureitimanin te Tembora, ao a takarua ni kaangai, “Kamatea n te kaibangaki, kamatea n te kaibangaki.” E taku Birato nakoia, “Anaia ngkami, ao kamatea n te kaibangaki, b'a akea ana bure ae I kunea.”

M'akuri 13:28

Ao ngke akea te b'ai ae a kunea b'a e riai kamatean iai Iesu, ao a boni butiia naba Birato b'a E na kamateaki.

M'akuri 19:34

Ma ngke a ataia b'a te I-Iutaia, ao a bane n takarua n te b'ana ae ti teuana, i nanon tao uoua te aoa ni kaangai, “E kakannato Nei Aritemito, are atuaia I-Ebeto!”

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

1.Betero 1:19

ma kam kainaomataki n te raraa ae kakawaki ae raraani Kristo, are kanga ai aron te tiibuteteei ae akea buakakana ao akea baarekana.