Mareko 14:67 - Te B'aib'ara

⁶⁷ ngke e nora Betero b'a e kaabuea, ao e tarataraia, ao e taku, “Ngkoe naba raon Iesu are te I-Natareta.”

Mareko 14:67 ပူးပေါင်းရင်းမြစ်များ

Mataio 2:23

ao ngke e roko iai, ao e maeka n te kawa are arana Natareta. B'a e na kakoauaki are atongaki irouia burabeti are kangai: “E na aranaki Teuarei b'a kaain Natarene.”

Mataio 21:11

Ao a taku aomata ake a ira Iesu, “Bon Iesu are te burabeti Teuaei mai Natareta are i Kariraia.”

Mareko 1:24

“Tera am b'ai i roura, Iesu, ae te I-Natareta? Ko nako mai b'a Ko na uruira? I kinako b'a Teuare Moan te Raoiroi Ngkoe, are mairoun te Atua.”

Mareko 10:47

Ngke e ongo b'a Iesu are kaain Natareta, ao e takarua ni kangai, “Iesu, ae Natin Tawita, nanoangaai!”

Mareko 14:54

Ao Betero, e irira Iesu ni kakararoa, ao e rin i nanon te tabo ae e aki bono aona ae otab'aniniaki n ana auti mataniwiia ibonga; ao e tekateka ma bureitiman ni kaabuea n te ai.

Ioane 18:18

E kamariri, ma ngaia are, a kauraa te ai n aiana ae te marara tooro ma aia mataniwi I-Iutaia, ao a kaabueiia iai; raoia naba Betero n teitei, ao e aangnga naba.

Ioane 19:19

Iai taeka ake e tua Birato b'a a na koreaki, ao a kanim'aki i aon te kaibangaki; ao a kaangai taeka akanne: IESU AE TE I-NATARETA AE AIA UEA I-IUTAIA.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.