Mareko 14:62 - Te B'aib'ara

⁶² E kaeka Iesu, ao E taku, “Boni Ngai; ao ane kam na nora Natin te Aomata b'a E na tekateka i angaatain Teuare m'aaka, ao b'a E na nako mai n nangini karawa.”

Mareko 14:62 ပူးပေါင်းရင်းမြစ်များ

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Mataio 24:30

Ao ane na kaoti kanikinaean Natin te Aomata i karawa, ao ane a na bane n tang kaain aonnaba, ao a na nora Natin te Aomata b'a E nako mai aon nangini karawa ma te m'aaka ao te mimitong ae bati;

Mataio 26:64

E taku Iesu nako ina, “Ngaia ane ko taku. Ma I tuangngkami b'a ane kam na nora Natin te Aomata ni moa man te tai aei b'a E tekateka i angatain Teuare M'aka, ao b'a E nako mai i aon nangini karawa!”

Mataio 27:11

E tei Iesu i matan te tia tau-taeka; ao e titirakina Iesu, ni kangai, “Aia Uea I-Iutaia Ngkoe?” E taku Iesu, “Ngaia ane ko taku!”

Mareko 13:26

E na kaoti ngkanne Natin te Aomata i buakon naang ma te mimitong ao te m'aaka ae korakora.

Mareko 15:2

Ao e titirakinna Birato ni kangai, “Aia King I-Iutaia Ngkoe?” Ao E kaeka Iesu ni kangai, “Ngaia ane ko taku.”

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

Ruka 22:69

Ma ni moa ma ngkai ao ane E na tekateka Natin te Aomata i angaatain te Atua are M'aka.”

Ruka 23:3

Ao e titirakinna Birato, ni kangai, “Aia Uea I-Iutaia Ngkoe?” Ao Ngaia E kaeka, ni kangai, “Ngaia ane ko taku.”

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 8:1

Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

2.Betero 1:16

B'a ti aki taekini karaki aika oteaki n te aro n rabakau, ngke ti tuangngkami m'aakan ma rokon ara Uea are Iesu Kristo; ma ti bon nora kakannatona.

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.