Mareko 14:61 - Te B'aib'ara

⁶¹ Ma E kainab'aabu, ao akea ana kaeka ae E anga. E a manga titirakinna naba mataniwiia ibonga, ao e taku, “Te Kristo Ngkoe are Natin Teuare Kakaraoiroaki?”

Mareko 14:61 ပူးပေါင်းရင်းမြစ်များ

Taian Areru 119:12

Te UEA, I neboiko; reireiai am Tua.

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Taian Areru 39:9

I aki ngongoo; I aki taetae naba teutana, b'a boni ngkoe ae ko karika aei.

Itaia 53:7

E rangi ni kabuakakaaki, ma e bon aki ngurengure. E aki kakarongoa kaanga te tiibuteteei ae e kairaki nakon te tia tiringa te tiibu ao e aki tangitang ngkana e koroburaeaki.

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

Mareko 14:60

Ao e tei rake mataniwiia ibonga i buakoia, ao e titirakina Iesu ni kangai, “Akea am kaeka ae Ko na taekinna? Tera ae a taekinna te koraki aei b'a b'aini kabuakakaam?”

Mareko 15:2

Ao e titirakinna Birato ni kangai, “Aia King I-Iutaia Ngkoe?” Ao E kaeka Iesu ni kangai, “Ngaia ane ko taku.”

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

Ioane 10:24

A otab'aninia Iesu I-Iutaia ao a titirakinna ni kaangai, “Maanra te tai ae Ko na katikuira iai n tataninga i m'ain ae Ko tuangiira te koaua? Tuangiira raoi te koaua: te Kristo Ngkoe?”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 19:7

A kaekaa I-Iutaia ao a taku, “Iai ara tua ae kaotaki iai b'a E riai kamateana, i bukina ngke E atongnga b'a Natin te Atua Ngaia.”

Ioane 19:9

E a manga oki n rin i nanon te Beretoriam, ao e titirakina Iesu ni kaangai, “Maia Ngkoe?” Ma E aki kaeka Iesu.

M'akuri 8:32

Ao aio taekani m'akoron te B'aib'ara are e wareware iai: “Ai aron te tiibuteteei are e kairaki b'a e na kamateaki; Ai aron te tiibuteteei are kainab'aabu i matan ane korea buraena; akea b'anaana ae oti nako mai wina.

1.Timoteo 1:11

are nako man te euangkerio ae mimitong are I mwiokoaki iai b'a N na taekinna, are te euangkerio mairoun te Atua ae riai ni karaoiroaki.

1.Timoteo 6:15

are e na kaotaki rokona n te tai ae riai iroun te Tia Tautaeka ae karaoiroaki ae ti temanna, ae aia King king, ao aia Uea uea;

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.