Mareko 14:58 - Te B'aib'ara

⁵⁸ “Ti ongo ana taeka ngke E kangai, ‘N na urua te um'antabu aei, ae karaoaki irouia aomata, ao I a manga katea teuana i nanon tenibong, ae te um'antabu ae aki karaoaki irouia aomata.’ ”

Mareko 14:58 ပူးပေါင်းရင်းမြစ်များ

Taniera 2:34

Ao ngke ko bon tabe n tarataraia, ao e a ti b'aka naba i bon i rouna te atiibu ae e korakora man taiani b'aa aika a rietaata, ao e b'akara waen te bouananti arei, are te biti are e renganaki ma te tano ao e kamaerikirikia.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Mataio 26:61

ao a taku, “E taku Teuaei, ‘I kona n urua ana um'antabu te Atua, ao ni kateia i nanon tenibong.’ ”

Mareko 14:57

A tei rake tabem'aang ni bukinna, ao a taku,

Mareko 14:59

Ao a aki boraoi naba aia taeka iai.

Mareko 15:29

Ao a taetae n iowawa nako Ina aomata ake a ri rarikina, ao a katoutou atuia ni kaenaena, ao a kangai, “E! Ngkoe ae Ko nang urua te um'antabu ao Ko na manga kateia i nanon tenibong,

Ioane 2:19

E kaekaia Iesu ao E taku, “Kam na urua te Tembora aei, ao N na manga kateia n ti tenibong.”

M'akuri 7:48

Ma E aki maeka Teuare Moan te Rietaata n auti aika karaoaki ni baiia aomata; n ai aron ana taeka te burabeti, are kaangai,

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

Ebera 9:11

Ma E a tia n roko Kristo b'a te Ibonga ae Kakannato i bukini baika raraoi aika kamani mena ikai, ao E nako n ri nukan te um'anrianna ae kakannato riki ma n raoiroi riki, ae e aki karaoaki ni bain te aomata, ao tiaki b'ain aon te aba;

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.