Mareko 14:33 - Te B'aib'ara

³³ E kaira Betero ma Iakobo ma Ioane b'a raona, ao E a moanna n taonaki n te nako n nano ae korakora ma te rawawata ae bati.

Mareko 14:33 ပူးပေါင်းရင်းမြစ်များ

Taian Areru 38:11

A kararoaai raoraou ma ake a maeka ni kaan ma ngai i bukin aorakiu; ao a kararoaai naba au utu mairou.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Mareko 16:5

Ngke a rin n te nne ni mate, ao a nora te teinimm'aane temanna ae tekateka n te angaatai, ao e b'ainna n te kunnikai ae mainaina ae m'arairai; ao a mimi.

Mareko 16:6

Ao e taku nako ia, Kam na aki mimi; I ataia b'a kam ukoukora Iesu are te I-Natareta, are E kamateaki n te kaibangaki. E a manga uti, akea ikai; nora te tabo are a kawenea iai rab'atana.

Mareko 5:37

Ao akea temanna ae E kariaia b'a e na iria b'a ti Betero ma Iakobo, ao Ioane are tarin Iakobo.

Mareko 9:15

Ao ngke a nora Iesu aomata, ao a bane ni kuba, ao a biri nako Ina ni kamauria.

Mareko 9:2

I mwin onobong, ao Iesu, E kaira Betero ma Iakobo ma Ioane nako aon te maunga ae rietaata, ao a tiku iai n ti ngaiia. A nora Iesu b'a e bitaki taraana,

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.