Mareko 14:15 - Te B'aib'ara

¹⁵ Ao ane na kaota nako imi te ruu ae buubura ae mena i eta ae e tauraoi ao e bobonga b'ain nanona; anne nnemi ni katauraoi i bukira.”

Mareko 14:15 ပူးပေါင်းရင်းမြစ်များ

2.Rongorongo 6:30

Ko bon atai b'aai ni kabane ake inanoia aomata nako. Ma ngaia are, ko na kaekai aia tataro mani mwengam ane i karawa, n aron te b'ai are a karaoia ke te b'ai are i nanoia.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taeka n Rabakau 16:1

Ti kawenei ara babaaire ngaira aika aomata, ma e mena iroun te UEA te kabanea n taeka.

Mareko 14:14

ao te tabo ane e rin iai, ao kam na kangai nakon te aomata are ana b'ai te auti, E taku te Tia Reirei, ‘E nga te ruu n iruwa ae Ngai ma au reirei ti na kana iai te am'arake are te Riao?’

Mareko 14:16

A nako ana reirei nakon te kawa, ao a kunea te ruu n ai aron are E tuangiia Iesu, ao a katauraoa am'araken te Riao.

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 1:13

Ao ngke a rin i Ierutarem, ao a nako n te ru are i eta, are a kabongana b'a neia ni maeka n te tai ae aki maan Betero, ma Ioane, Iakobo, Anterea, Biribo, Toma, B'aretorom'aio, Mataio ma Iakobo are natin Areb'aio, ma Timon are te Terote, ao Iuta are tarin Iakobo.

M'akuri 20:8

E bati te taura n te ru are i eta are ti botaki iai.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.