Mareko 13:33 - Te B'aib'ara

³³ Kam na tarataraingkami, ao kamarurungngkami b'a kam aki ata rokon te tai arei.

Mareko 13:33 ပူးပေါင်းရင်းမြစ်များ

Mataio 25:13

Ma ngaia ae kam na tantani, b'a kam aki ata te bong ke te aoa arei.

Mareko 13:23

Ma kam na tarataraingkami; I a tia n tuangngkami b'aai ni kabane i m'ain rikiia.

Ruka 12:40

Ao ngkami naba, kam na b'aina te tauraoi; b'a ane na roko Natin te Aomata n te aoa are kam aki kantaningaia b'a E na roko iai.

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

I-Korote 4:2

Kam na tai toki n tatataro, ao kam na kamarurungngkami iai ni katituaraoi;

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 3:2

Ko na kamarurungko, ao ko na kateimatoai baikana tuai ni mauna, akana nangi mate; b'a I aki noori baika ko a tia ni karaoi b'a a kororaoi aroia i matan te Atua.