Mareko 12:43 - Te B'aib'ara

⁴³ E weteia ana reirei ni kabaneia ao E taku nako ia, “I tuangngkami b'a te aine arei are e mate buuna, e karina ae m'aiti riki i nanon te b'aoki nakoia uakekei.

Mareko 12:43 ပူးပေါင်းရင်းမြစ်များ

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Mareko 12:42

E roko ngkanne te aine temanna ae e a tia ni mate buuna, ao e aki kaub'ai. E karin ana m'ane aika uoua, ae tao uoua te tianti m'aitini kanoaia.

Mareko 12:44

B'a a anga uakekei mani kaub'aia; ma neierei, e ngae ngke e aki kaub'ai, ma e anga ni kabane ake a reke i rouna ake buokani maiuna.”

Ioane 8:20

E atongi taeka aikai Iesu n te Tembora n te ru are a mena iai b'aoki ake a nneaki iai b'aai n tangira. Akea irouia aomata ae e taua ni kaburea, b'a E tuai ni bo ana aoa.

M'akuri 11:29

A reke nanoia taan onimaki i Antioka b'a a na kanakoa aia buoka n aron are e kona n reke iroun temanna ma temanna, nakoia taari ake a maeka i Iutaia.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 8:2

b'a e boni ngae ngke a kataaki n te rawawata ae bati, ao a aki kaub'ai, ma i bukin nanoia ae onrake n te kim'areirei, ao a anga ae bati ma te tituaraoi.