Mareko 12:42 - Te B'aib'ara

⁴² E roko ngkanne te aine temanna ae e a tia ni mate buuna, ao e aki kaub'ai. E karin ana m'ane aika uoua, ae tao uoua te tianti m'aitini kanoaia.

Mareko 12:42 ပူးပေါင်းရင်းမြစ်များ

Ana Anene Toromon 8:1

Ngke tao arona b'a m'aneu ngkoe, ao I konaa ni kiiti ma ngkoe n taabo nako ike ti kuba ni kaaitibo iai, ao akea ae e konaa ni kaburea are I karaoia.

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Mataio 5:26

E koaua ae I a tuangko b'a ko na aki kona n oti nako maiai ni karokoa ko a tia ni kab'aka ni kabane te m'ane are motikaki b'a tuaam.

Mareko 12:41

Ngke E tekateka Iesu n ua kaan ma rarikin te tabo ni m'ane ae b'ain te um'antabu, ao E matakuakiniia aomata ngke a karin aia m'ane. A m'aiti aomata ake a kaub'ai ake a karin aia m'ane aika m'aiti.

Mareko 12:43

E weteia ana reirei ni kabaneia ao E taku nako ia, “I tuangngkami b'a te aine arei are e mate buuna, e karina ae m'aiti riki i nanon te b'aoki nakoia uakekei.

Ruka 12:59

I taku nako imi b'a ko na bon aki kona n oti nako ni karokoa ko a tia ni kab'aka ni kabanea m'aitin am taarau.

Ruka 21:2

ao E noora naba te aine ae e mate buuna ae aki kaub'ai b'a e nnei iai uoua te rebeta.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 8:2

b'a e boni ngae ngke a kataaki n te rawawata ae bati, ao a aki kaub'ai, ma i bukin nanoia ae onrake n te kim'areirei, ao a anga ae bati ma te tituaraoi.