Mareko 12:35 - Te B'aib'ara

³⁵ Ngke E tabe n reirei Iesu i nanon te um'antabu, ao E tabeka ana titiraki ni kangai, “A na kanga n taku taani koroboki b'a E na kaoti te Kristo ri nanon ana kariki Tawita?

Mareko 12:35 ပူးပေါင်းရင်းမြစ်များ

Mataio 26:55

Ao n te aoa naba arei, ao E taku Iesu nakoia aomata, “Kam nako mai ma kabaang ma kaai n oro, b'a kam na tauai n aron te tia kam'arua? I katoa bong n tekateka ao n reirei n te um'antabu, ao kam aki tauai.

Mataio 9:27

Ngke E kitana ikekei Iesu, ao a ri mwina uoman te mataki, ao a takaarua ni kangai, “Natin Tawita, Ko na nanoangaira!”

Mareko 10:1

E kitana te tabo arei Iesu, ao E nako n taabo ake i Iutaia ma ake i tinanikun te karaanga are te Ioretan. A manga kawaria naba aomata aika m'aiti, ao E reireiia naba n ai aroni kateina are E tataneiai iai.

Mareko 11:27

A manga roko i Ierutarem. Ngke E nakonako Iesu i nanon te um'antabu, ao a nako Ina ibonga ake mataniwi ma taani koroboki ma unimm'aane,

Mareko 14:49

I katoa te bong ae koraki ma ngkami n reirei i nanon te um'antabu, ao kam aki tauai. Ma e riki aei b'a e na kakoroaki bukin are e taekinaki n te B'aib'ara.”

Ruka 19:47

Ao E reirei Iesu n te um'antabu n te bong ae koraki. A ukoukora aroni kamateana ibonga ake mataniwi ma taani koroboki ao mataniwiia aomata,

Ruka 20:1

N te bong teuana, ngke E reireiia aomata Iesu ao E tataekina taekan te euangkerio nako ia i nanon te um'antabu, ao a nako Ina ibonga ake mataniwi ma taani koroboki, ma unimm'aane,

Ruka 21:37

Ao E rereirei Iesu n te um'antabu ni katoa bong; ma ngkana e a tairiki ao E oti nako ni mena n te maunga are arana Oriweta.

Ioane 18:20

E kaeka Iesu ao E taku, “I a tia n taetae n aki karabaai nakon te aba; I aki toki n reirei ni m'aneabaia nako I-Iutaia ao i nanon te Tembora, ao a bane n roroko I-Iutaia; ao I aki atonga te b'ai teuana ni karabaa.

Ioane 7:42

Tiaki e taku te B'aib'ara b'a E na riki te Kristo man ana kariki Tawita, ao E na kaoti mai Betereem, are ana kaawa Tawita?”