Mareko 12:33 - Te B'aib'ara

³³ ao tangirana ma te nano ni kabanea, ma te wanawana ni kabanea, ma te korakora ni kabanea, ao tangiraia aomata n ai aron tangiran temanna i bon i rouna, a rangi ni moamoa riki nakoni karea ni kabane ake a katauaki i bukin te kabuekaki ao nakoni karea nako.”

Mareko 12:33 ပူးပေါင်းရင်းမြစ်များ

Taian Areru 50:23

Ane kareana te katituaraoi ao e karineai, Ao N na kamaiua ane ongeaba nako iu.

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Mataio 12:7

Ao ngke arona b'a kam ata nanon ae kangai, ‘I tangira te nanoanga, ao I aki tangira te angakarea, ao kam na aki kabuakakaia aika aki bure.’

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

Te Tua-Kaua 6:5

Ma ngaia are, kam na tangira te UEA ae Atuara ma nanomi ni kabane, tamneimi ni kabane, ao korakorami ni kabane.

Ebera 10:8

B'a E kangai moa, Ko aki tangiri ke ni kukurei n taiani karea ma b'aai n tangira, ma karea aika kabaneaki ni kabuokaki ma karea ni kab'ara buure. E taekina aei e boni ngae ngke karea aikai a kareanaki n aron taekaia n te Tua.

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.