Mareko 12:31 - Te B'aib'ara

³¹ Te kauoua n tua ae moanibaan naba te kakannato bon aei: ‘Ko na tangiriia aomata n ai aron tangiram i bon i roum.’ Akea te tua teuana ae moanibaan te kakannato riki nakoia aikai.”

Mareko 12:31 ပူးပေါင်းရင်းမြစ်များ

Nakoaia Ibonga 19:13

Tai iraa ke tao ni kam'anea temanna, ao tai toki ni kab'akai booia ami taani m'akuri ni katoa tokin te bong.

Nakoaia Ibonga 19:18

Toki man te unun ao tai kataia ni kabooa kaim. Bon te UEA Ngai ae Atuami, ao I tuangngkami b'a kam na kakorakorai ngkami n tangiriia raomi n ai aron tangirakimi i boni i roumi.

Mataio 22:39

Ao ai aron naba are te kauoua, are kangai: Ko na tangira raom n ai aron tangiram i bon i roum.

Mataio 7:12

Ma ngaia aei, b'a b'aai ni kabane aika kam tangiri b'a a na karaoaki nako imi irouia aomata, ao kam na karaoi naba nako ia: b'a aei te reirei ae kanoan tuua ake e anga Moote ma aia boki burabeti.

Mareko 12:32

E taku te tia koroboki temanna nakon Iesu, “Te Tia Reirei, E eti ane Ko atongnga, ao e koaua are Ko taku b'a ti temanna Ngaia, ao akea riki i rarikina b'a ti Ngaia;

Ruka 10:27

Ao e kaeka ni kangai, “Ko na tangira te Uea ae te Atua n nanom ni kabanea, ao ni maium ni kabanea, ao ni korakoram ni kabanea, ao ni wanawanam ni kabanea; ao ko na tangira raom n ai aron tangiram i bon i roum.”

I-Karatia 5:14

B'a e kabaneaki te Tua n touaki mwina n ae kaangai, “Ko na tangira raom n ai aron tangiram i bon iroum.”

1.Ioane 4:21

Ao aei te tua ae ti anganaki mai Rouna: b'a ane tangira te Atua, ao e na tangira naba tarina.