Mareko 12:28 - Te B'aib'ara

²⁸ E mena ikekei temanna te tia koroboki ae ongongora n aia kakauntaeka. E ataia b'a E a tia Iesu n anganiia Tarukaio te kaeka ae tamaroa, ma ngaia are e nako n Iesu ao e titirakinna ni kangai: “Te tua ra ae moanibaan te kakannato i buakon tuua nako?”

Mareko 12:28 ပူးပေါင်းရင်းမြစ်များ

Mataio 19:18

E taku nakon Iesu, “Aika tuua ra?” Ao E taku Iesu, “Ko na tai kamateia aomata, Ko na tai wene ni bure, Ko na tai ira, Ko na tai anga am kaotioti ae kairua b'a taekan temanna,

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

Mataio 5:19

Ma ngaia aei, b'a ane kamamaraaea m'aakan te Tua teuana ae maraurau riki i buakon tuua aikai, ao e reireiia aomata b'a e a toki manenana, ao e na atongaki b'a moan te mangori n Uean te Atua; ma ane tou mwin tuua aikai n reireiia aomata iai, ao e na atongaki b'a e kakannato n Uean te Atua.

Mareko 9:14

Ngke a roko reirei ake tem'angina i rouia, ao a noriia aomata aika rangi ni bati i rarikiia, ma taani koroboki, b'a a kauntaeka ma ngaiia.

Ruka 11:42

Ma a na reke kaimi B'aritaio! B'a kam anganga teuana te katebwina ni m'akoro man aroka aika te minte, te rue, ao aroka aika boiarara baaia, ao kam aki karaoa nanon te eti ma ana tangira te Atua; baikai aika kam riai ni karaoi, n aki kaaki taekaia akekei.

Ruka 20:39

Ao a taku taani koroboki tabem'aang, “Te Tia Reirei, e nako raoi ane ko taekinna!”