Mareko 12:17 - Te B'aib'ara

¹⁷ E taku ngkanne Iesu, “Angan te uea n Rom b'aai akana ana b'ai te uea n Rom, ao angan te Atua b'aai akana ana b'ai te Atua.” Ao a mimi iroun Iesu.

Mareko 12:17 ပူးပေါင်းရင်းမြစ်များ

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Taeka n Rabakau 24:21

Natiu, kam riai ni karinea te UEA ao te uea, ao kam na aki iraorao ma aomata aika a kakaitaraia nakon temanna mai buakoia uakanne.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Mataio 22:21

A kaeka ao a taku, “Kaitaraa.” E taku ngkanne nako ia, “Ma ngaia ae kam na angani Kaitaraa akana ana b'ai Kaitaraa; ao angan te Atua akana ana b'ai te Atua.”

Mataio 22:22

Ngke a ongo, ao a mimi; ao a kitanna ao a nako.

Mataio 22:33

Ao ngke a ongo aomata aika bati, ao a mimi n ana reirei.

Mataio 22:46

Ao akea i rouia ae e kona ni kaeka, ao akea naba i rouia man te tai arei ae e na kani manga titirakinna.

Mataio 8:10

Ngke E ongo taeka aikai Iesu, ao E mimi iai; ao E taku nakoia ake a iria, “E koaua ae I a tuangngkami b'a akea i buakoia Iteraera ae I kunea b'a iai ana onimaki ae korakora n aron aei.

Mareko 12:16

A uota teuana nako Ina; ao E titirakiniia ni kangai, “Antai tamneina ma arana aei?” A kaeka ao a taku, “Te uea n Rom.”

Mareko 12:30

Ko na tangira te Uea ae Atuam ma nanom ni kabanea, ao maium ni kabanea, ao wanawanam ni kabanea, ao korakoram ni kabanea.’

Ruka 20:25

Ao E taku nako ia, “Ma ngaia ae kam na angani Kaitara akana ana b'ai Kaitaraa, ao angan te Atua akana ana b'ai te Atua.”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

I-Rom 6:13

ao tai angan te bure b'ain rab'atami, b'a a na kabonganaki i bukini kaantaninga aika buakaka; ma kam na anga ngkami nakon te Atua b'a ai aroia aika maiu mai buakoia maate, ao b'ain rab'atami b'a a na kabonganaki i bukini karaoan te eti.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.