Mareko 12:14 - Te B'aib'ara

¹⁴ A roko i Rouna ao a taku, “Te Tia Reirei, ti ataia b'a ti te taekina te koaua Ngkoe ao Ko aki kona ni katabea am iango n aia iango aomata. E aki anaaki nanom n taraan aroia aomata, ma Ko reirei te koaua ae kaeti ma nanon te Atua i bukiia aomata. E eti ma taekan te tua b'a ti na anga ara taekiti nakon te uea n Rom, ke e aki?”

Mareko 12:14 ပူးပေါင်းရင်းမြစ်များ

2.Rongorongo 18:13

Ao e kaeka Mikaia, “N na bon taekina are e a tia n tuangai te UEA ae Atuau ae e maiu b'a n na taekin.”

2.Rongorongo 19:7

Ma ngaia ae, kam na karaoa ami m'akuri ma karineana ao kam na riai n ataia b'a e aki kariaia b'a kam na karaoa ae e aki eti nakoia aomata nako ke ni babakanikawai.

Neemia 9:37

A anaaki uaan kaai aika a m'aiti irouia uea ake Ko kamenakiia i aora i bukin ara bure. Ti aki konaa ni keiakin rawawatara, i bukina ngke a boni karaoa are a tangiria ni karaoia nakoira ma ara nanai ni man.

Taian Areru 120:2

“Te UEA, kamaiuai mairouia taani kewe ma taani m'am'anaa te aba.”

Taian Areru 55:21

A maranran riki ana taeka nakon te kuriim Ma e raba te riribai i nanona; A maraurau riki ana taeka nakoni marauraun te oera, Ma a korokoro n ai aroni kabaang aika kakang wiia.

Ieremia 42:20

Kam buubutiai b'a N na tataro ma ni karekea nanon te UEA ae Atuara b'a tera ae e tangiria b'a ti na karaoia, ao kam berita b'a kam na ongotaeka i Rouna. Ma bon te bure ae e moan te kakamaaku te b'ai anne,

Mika 3:8

Ma ngai bon irou, E a tia ni karina tamneina ao korakorana te UEA irou, ao E anganai ataakin te eti ao te ninikoria ni kan tuangiia Iteraera aroia aika a bure.

Mataio 22:16

A kanakoia aia reirei nako Ina, ao raoia aomata tem'angina ake kaain ana botaki Erote. A taku, “Te Tia Reirei, ti ataiko b'a Ko taekina te koaua, ao Ko reirei taekan aron te Atua i bukiia aomata, ao Ko aki mutiakin aroia aomata, b'a Ko aki nanonano n aron taraakin aroia aomata.

Mataio 22:17

Ma ngaia ae Ko na tuangiira b'a tera am iango. E riai n taekan te Tua b'a ti na kab'aka taekiti nakoni Kaitaraa, ke e aki?”

Mareko 12:13

A kanakoaki B'aritaio tem'angina ma aomata tabem'aang man te koraki ake a kaaina ana botaki Erote nakon Iesu b'a a na kam'anea n aia titiraki.

Mareko 12:15

Ti na kab'aka nako ia, ke ti na aki? Ma Iesu E a tia n ataia ae a m'am'anaia n aia taeka. E kaekaia ao E kangai, “E aera ngkai kam kataia ni kani kam'aneai? Uota mai te m'ane ae te tirewa b'a N na noria.”

Mareko 14:45

Ngke e roko Iuta, ao e a nako naba ni kawara Iesu ao e taku, “Te Tia Reirei!” Ao e kiitinna.

Ruka 20:22

E riai i roura te angani Kaitara te taekiti, ke e aki?”

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Ioane 7:18

B'a te aomata ane taetae n oin nanona, ao e kataia ni karekea kamoamoana bon i bukina. Ma te aomata ae tangira kamoamoakin Teuare kanakomaia, ao E kaotia b'a e taekina te koaua, ao tiaki te kairua.

I-Rom 13:6

Ao bon aei naba bukin ae kam riai naba iai ni kab'akai ami taekiti: b'a a m'akuri i bukin te Atua taan tautaeka n aia m'akuri are a kakaonimaki nako iai.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 2:2

B'a ngkana I karawawataingkami, ao antai ae na kakukureiai ma ti te aomata are I a tia ni karawawataa?

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

2.I-Korinto 5:11

Ma ngaia aei, b'a ngkai ti ata m'aakan te UEA, ao ti anai nanoia aomata; ma a ataaki arora iroun te Atua; ao bon au kaantaninga b'a ti ataaki raoi i roumi ni mataniwin nanomi.

2.I-Korinto 5:16

Ma ngaia ae ma ngkai ao akea temanna ae ti na bairea taekana man te iango n aomata; e boni ngae ngke ti a tia n te taina ni bairea taekani Kristo iai, ma ti aki kona ni manga karaoia riki nako Ina.

I-Karatia 1:10

B'a I anai nanoia aomata ngkai, ke I anaa nanon te Atua? Ke I ukoukori kakukureiaia aomata? Ngkana I tabe ma kakukureiaia aomata, ao bon tiaki ana toro Kristo ngai.

I-Karatia 2:6

Ao uake atoatongaki b'a taani kairiri, I aki tabe ma aroia ngkekei b'a aekara; b'a E aki babaire te Atua man taraan te aomata, a aki tuangai uakekei te b'ai teuana ae raka;

1.I-Tetaronike 2:4

ma ngkai ti a tia ni kakoauaki iroun te Atua i mwini kataakira i Rouna b'a ti riai ni mwiokoaki i bukin tataekinan te euangkerio, ao ti bon riai n taetae, n aki kakukureia aomata, ma ti na kakukureia te Atua are Ngaia ae katai nanora b'a ua ra.