Mareko 11:33 - Te B'aib'ara

³³ Ma ngaia are a taku nako Ina, “Ti aki ataia.” E taku Iesu nako ia, “I aki kona naba n tuangngkami b'a te m'aaka ra ae I karaoi iai baikai.”

Mareko 11:33 ပူးပေါင်းရင်းမြစ်များ

Iobi 5:13

ao E karaoia aomata aika rabakau b'a a na m'ane ni bon oin aia babaire n te aro are e aki koro bukin te b'ai teuana ae a karaoia;

Itaia 1:3

A atai aia aomata ake a kakaam'arakeaki irouia taiani kao ma taian aati, ma a tuai man ataai au Aomata.”

Itaia 56:10

Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 16:4

A ukoukora te kanikina te roro ae buakaka ae aki ongotaeka nakon te Atua; ma akea te kanikina ae a na anganaki, b'a ti te kanikina are te baere riki nakon Iona are te burabeti.” Ao E kitaniia, ao E nako.

Mataio 21:27

Ma ngaia are a kaeka Iesu ao a kangai, “Ti aki ataia.” Ao Ngaia E taku nako ia, “Ao Ngai N na aki tuangngkami b'a te m'aaka maia ae I karaoi iai baikai.”

Mareko 11:32

Ma ngkana ti kangai, Mairouia aomata, ao a makuia aomata, b'a a taku b'a Ioane bon te burabeti ni koaua.”

Mareko 12:1

Ao E taetae Iesu nako ia n taeka ni kabotau: “Iai te aomata temanna ae karaoa ana onaroka ao e uniki kureebe iai. E katea oona ni katobibia, ao e kena nnen te b'ai ni karao wain, ao e katea te tabo n taratara i bukiia taan teiakina te onaroka. E anganako ngkanne te onaroka arei nakoia taan ribana b'a a na m'akuriia, ao ngaia e nako n te aba teuana.

Ioane 3:10

E kaeka Iesu ao E taku nakoina, “Te tia reirei ngkoe i buakoia Iteraera, ao ko aki atai naba baikai?

Ioane 9:27

Ao ngaia e kaekaia ao e taku, “I a tia n tuangngkami, ao kam aki kan ongo. E aera ngkai kam a manga tuangai b'a N na manga tuangngkami riki? Kam kan riki naba b'a ana reirei?”

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

2.I-Korinto 3:15

Ao ma ngkekei ni karokoa ngkai, ngkana e warekaki ana Tua Moote, ao bon iai te rabuna ni mata i aon nanoia.