Mareko 11:17 - Te B'aib'ara

¹⁷ E reireiia ngkanne aomata ao E taku nako ia, “E koreaki n te B'aib'ara ana taeka te Atua ae kangai, ‘E na atongaki au um'antabu b'a te tabo n tataro i bukiia aomata nako.’ Ma kam a tia ni karaoia b'a neia ni maeka taani kimoa!”

Mareko 11:17 ပူးပေါင်းရင်းမြစ်များ

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Itaia 60:7

A na bane n nakoim tiibun Keta; taian tiibu m'aane mai Neb'aiota a na riki naba b'a am B'ai. N na butim'aai b'a taian angab'ai ao a na uota te karineaki nakon au Tembora.

Ieremia 7:11

Bon taan iraa ngkami, ao kam karika au Tembora b'a te tabo ni karaba. Ma I a tia n noori b'aai ni kabane aika kam a tia ni karaoi.

Otea 12:7

Iteraera, ko kukurei n te kewe ao ko aonikaiia aomata tabem'aang.

Mareko 11:16

ao E tukiia aomata b'a a na akea temanna ae na uota te b'ai teuana ri nanon te um'antabu.

Ruka 19:46

ao E taku nako ia, “E koreaki ana taeka te Atua ae kangai, ‘E na riki au auti b'a te tabo n taromauri.’ Ma ngkami kam a tia ni karaoia b'a nneia taani kam'arua ni karabaia!”

Ioane 2:14

Ao E nooriia taani kabo kao ma tiibu ma bitin i nanon te Tembora, ao taan rai m'ane b'a a wakin aia bitineti.

Ioane 2:16

E taku nakoia taani kabo bitin, “Uoti nako baikai maikai; kam na aki karaoa ana auti Tamau b'a te tabo ni kabob'ai!”