Mareko 10:39 - Te B'aib'ara

³⁹ A kaeka ao a taku, “Ti kona.” E taku Iesu nako ia, “Kam kona ni moi n te m'angko ae I moi iai; ao kam kona ni b'abetitoaki n te b'abetito ae I b'abetitoaki iai,

Mareko 10:39 ပူးပေါင်းရင်းမြစ်များ

Mataio 10:25

E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

Mataio 3:6

A b'abetitoaki i rouna n te karaanga are te Ioretan, ngke a kaoti aia bure.

Mareko 14:31

E kaekaa Betero ma te b'anaa n ninikoria, ao e kangai, “Ngkana N na boni mate ma Ngkoe, ao N na bon aki kakeako!” Ao a bane n atongi taeka naba akanne.

Mareko 14:36

Ao E taku n ana tataro, “Aaba, Tamau, a konaaki b'aai ni kabane i Roum; Ko na uota nako te m'angko ni karawawata aei mai Rou; ma tiaki nanou ae na iraki, ma e na iraki nanom.”

Ioane 13:37

E a manga taku riki Betero nakoina, “Te Uea, e aera b'a N na aki kona n iriko ngkai? N na anga maiu i bukim!”

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

Ioane 17:14

I a tia n taekin am taeka nakoia, ao e ribaia te aba, b'a tiaki ana b'ai te aba ngaiia; n ai arou ngkai tiaki ana b'ai te aba Ngai.

M'akuri 12:2

E kamateaki n te kabaang Iakobo are tarin Ioane n ana baire Erote.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu