Mareko 10:33 - Te B'aib'ara

³³ E taku, “Noria, ae ti a toua kawaira nako Ierutarem; ao ane E nang kam'aneaki Natin te Aomata nako nanoni baiia ibonga ake mataniwi ma taani koroboki, ao ane a na anga Ngaia nakoia aomata aika tiaki I-Iutaia,

Mareko 10:33 ပူးပေါင်းရင်းမြစ်များ

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Mataio 26:66

Tera ami moti?” A kaeka ni kangai, “E bure, ao E riai ni kamateaki!”

Mataio 27:2

Ao a kabaea, ao a kairia nako, ao a angani Birato are te tia tau-taeka.

Mareko 14:64

Kam a tia n ongo ana taeka ni bakanatua aei! Tera ami moti?” A bane ni motika taekana b'a e riai kamateana.

Mareko 15:1

Ngke e a tib'a ingabong, ao a kabowi naba ibonga ake a kakannato, ma unimm'aane, ma taani koroboki, ma kaain te Tanirim ni kabanea; ao a kabaea Iesu, ao a kairia nako, ao a angani Birato.

Mareko 8:31

Ao Iesu, E moanna n reireiniia ana reirei n ana taeka aika kangai: “E riai b'a E na karawawataaki Natin te Aomata, ao b'a E na ribaki irouia unimm'aane ao irouia ibonga ake a kakannato ma taani koroboki; ao b'a E na kamateaki, ao i mwin tenibong, E na manga uti.”

Mareko 9:12

Ao E taku nako ia, “E na bon roko moa Eria b'a e na katauraoi b'aai ni kabane. Ma e aera ngkae e koreaki n te B'aib'ara b'a e na kabatiaki karawawatan Natin te Aomata, ao E na ribaaki?

Mareko 9:31

i bukina b'a E reireiia ana reirei n taeka aika kangai: “E nang kam'aneaki Natin te Aomata nako nanoni baiia aomata, ao a na tiringnga; ao ngkana E mate, ao E na manga uti i mwin tenibong.”

Ruka 23:21

ma a takaarua ni kangai, “Kamatea n te kaibangaki! Kamatea n te kaibangaki!”

Ruka 9:22

Ao E a manga taku riki Iesu nako ia, “E riai Natin te Aomata b'a E na karawawataaki ao b'a E na ribaaki irouia unimm'aane, ao irouia ibonga ake a kakannato, ma taani koroboki, ao b'a E na kamateaki, ao E na manga uti n te katenibong.”

Ioane 18:28

Ngke e a tib'a ingabong, ao a kaira Iesu man ana auti Kaiaba nakon te Beretoriam. A aki rin aia mataniwi I-Iutaia b'a a rawa n aki itiaki n aron katein te Aro n I-Iutaia, ao n aki kariaiakaki n am'arake n am'araken te Riao.

Ioane 18:32

E riki aei b'a e na kakoroaki bukin ana taeka Iesu are atongnga i bukin aroni matena.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

M'akuri 13:27

B'a aomata ake a maeka i Ierutarem, ni botaki ma aia tia tautaeka, a aki ataia ae te Tia Kamaiu, ao a aki oota naba n nanon aia taeka burabeti ake a aki toki ni warekaki n te Taabati ae koraki; ma a kakoroi bukin aia taeka burabeti ngke a motika taekana.

M'akuri 20:22

Ao noria, N nangi nako Ierutarem b'a E kairoroai te Tamnei, ao I aki atai baike a nangi riki nako iu.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.