Mareko 1:45 - Te B'aib'ara

⁴⁵ Ao e taon nako, ao e a moana naba tataekinan te baerei ni katanoata rongorongona. Ma ngaia are E aki kona n rin n te kawa Iesu, ma E a mena naba n taabo ake aki maekanaki. Ao a kawaria aomata man taabo nako.

Mareko 1:45 ပူးပေါင်းရင်းမြစ်များ

Taian Areru 77:11

Te UEA, N na aki m'aninga taekani baike Ko a tia ni karaoi; N na ururing baike a kamimii ake Ko karaoi ngkoa.

Mataio 28:15

Ma ngaia are a anaa te m'ane ao a karaoa aron are a tia n tuangaki; ao te rongorongo arei, are taekaia ana reirei b'a a iraea rab'atana, e a tia ni buta nako irouia I-Iutaia ni karokoa te bong aei.

Mataio 9:26

Ao e buta nako rongorongon te baerei i aon te aba arei.

Mataio 9:31

Ma ngke a nako, ao a katanoata taekana nako aon te aba arei ni kabuta.

Mareko 2:13

Ao Iesu E a manga nako rarikin te nama; ao a bane n nako Ina aomata, ao E reireiia.

Mareko 3:20

Ao Iesu E nako n te auti. A manga botaki aomata aika m'aiti, ma ngaia are E a aki reke ana tai ma ana reirei ni kamarikeia.

Mareko 3:7

Ao E nako Iesu ma ana reirei nakon te nama are Kariraia, ao a iria aomata aika m'aiti. A roko mai Kariraia, ao mai Iutaia, ao mai Ierutarem, ao mai Itumia,

Mareko 7:36

Ao Iesu, E tuangiia aomata b'a a na aki tuanga temanna taekan te baei; ao ngke E kabatiai ana taeka nako ia b'a a na aki tuangiia aomata, ao a kabatia riki tataekinana.

Ioane 6:2

A iria aomata aika rangi ni m'aiti i bukina b'a a tia n noori ana m'akuri aika kamimii ni kamaiuaia aoraki.

Tito 1:10

B'a a m'aiti aomata aika rawa ni kani kairaki, aika taani b'arantiko ma taani bureburea te aba; ao m'aitin te koraki anne boni kaain te kaitiakaki.