Maraki 4:6 - Te B'aib'ara

⁶ E na kairiia ataei ma aia karo b'a a na kakorakoraa riki tangiraia i bon irouia, b'a e aonga n ae I aki karokoa te kanganga nakon te aba ngkana I roko.

Maraki 4:6 ပူးပေါင်းရင်းမြစ်များ

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 24:6

E a b'akaraki te aonnaba n te maraia; a mate aomatana i bukin aia bure.

Itaia 40:3

E taakarua temanna ni kaangai, “Kaitiaka te kawai i nanon te rereua! Karaoa te kawai ae e eti i bukin te UEA ae te Atua.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Tekaria 11:6

Kaawakiniia tiibu aikai, b'a N na aki manga nanoangaiia kaain te aonnaba aei. N na kauniia aomata ma kaain rarikiia ao N na karikiia b'a ana toro te uea. A na karokoa te kabuanib'ai nakon te aonnaba, ao bon akea te m'akuri ni kamaiu teuana ae N na karaoia nakoia.

Tekaria 13:8

A na mate man te aba uoua te katenim'akoro, ao a na maiu te katenim'akoro.

Tekaria 14:12

Aio te b'ai ae E na karaoia te UEA nakoia aika a buakana Ierutarem: ngkana a tei ikekei, e na kam'aungi irikoia ao a na b'aka reben kanoan mataia ni kabane mai mataia ao e na nna nako neweia n oti nako.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

Tekaria 5:3

Ao i mwiina, e tuangai ni kaangai: E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.

Mareko 11:21

E oki ana ururing Betero, ao e taku nakon Iesu, “Te Tia Reirei, te kai are te biku are Ko taetae ni kamaraiaa, e a mate!”

Ruka 1:76

Ao ngkoe, ae natiu, ko na atongaki b'a ana burabeti te Atua are Moan te Rietaata; Ko na nako n ri moan te Uea ni katauraoi b'aai ni kabane i bukina.

Ebera 6:8

Ma ngkana e kariki kaai aika kateketeke ma kaai aika akea bonganaia, ao e aki bongana; e a kaan rekeni kaina, ao n tokina e na kabuokaki.

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Te Kaotioti 22:3

Ao akea ae reke kaina ae na manga noraki n te kaawa arei; ao e na mena iai ana kaintokanuea te Atua ma te Tiibuteteei, ao ana toro te Atua a na taromauria.