Maraki 4:1 - Te B'aib'ara

¹ E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Maraki 4:1 ပူးပေါင်းရင်းမြစ်များ

Iobi 18:16

E na riki b'a kaanga aron te aroka ae mate man wakaana nakon m'angana ake i eta.

Taian Areru 119:119

Arom nakoia akana buakaka ni kabaneia kanga maange iroum; Ma ngaia ae I tangiri am Taeka n reirei.

Taian Areru 37:9

A na abana te aba akana onimakina te UEA; ma a na kakioaki nako akana buakaka.

Te Otinako 15:7

Ko tewenakoia am kairiribai ni mimitongin am tokanikai; ao e tii nako uran unim ni kabuokiia n ai aron te uteute ae m'au.

Itaia 40:24

Ti te bo ngaiia ma taian uee aika a tib'a ure ao a tabe n rikirake. Ma ngke e ukia te Atua, ao a rai ma n uotakinako kaanga te maange n tain te angibuaka.

Itaia 41:2

Antai ae e rinea te tia tautaeka mai mainiku aei? Antai ae e katokaia botannaomata ma aia uea i aoni m'aakana? E bita ana kabaang ma ana kainikatebe nakon te taaurouro are e ukaki nako n te ang.

Itaia 47:14

Bon akea te b'ai ae a konaa ni karaoia aomata aika a onimakini taian itoi kaanga taian uteute i nanon te ai ae e ura. Bon akea naba ae e konaa ni kateimatoa n aangnga, i rarikin te ai ae e ti am'arake ma n te uteute.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 9:18

E raababa nako te buakaka kaanga te buakonikai ae e urarake mani kabuoki taian buakoako ni kai aika a kateketeke ma ni kawaerakea te bubu.

Itaia 9:19

E rangi ni un te UEA ae Moan te M'aaka ao e kabonganaiia b'a kaanga te b'aa ni kanaiai are e tiringa aon te aba. A manga bon rairi buareia i bon irouia

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Etekiera 21:32

Kam na bue ao kam na mate n oin abami. Ao e na m'aninga te aba taekami n aki toki. Bon aei Au taeka Ngai ae te UEA.

Etekiera 24:11

Ao i mwiina, ko kanakoa kanoan nako aon taiani kooro aika kabuebue ni karokoa e a takarokaro. E na itiaki te b'aata n te aro anne ma ni kabueka te raraa ni kanakoa.

Etekiera 34:17

E taku te UEA ae te Atua nakoia Ana tiibu, aika Iteraera: N na tararuai raoi ngkami n tatabemaningkami nako ni kakaaea b'a antai te tiibu ae e korakora ao aika a mamaara.

Etekiera 7:10

E a kaan te kabuanib'ai! E a mena n taabo nako te motibuaka ma te kainikatonga,

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Amota 2:9

“I bon kamaunaia I-Amoraite ni kabane aika aomata aika a rietaata n ai aroia kaai aika tiira, ao man korakora naba n ai aroia kaai aika Oke: I karaoa aei i bukimi Au aomata.

Ob'aria 1:18

Aia botannaomata Iakob'a ma Ioteb'a a na riki kaanga ai aron te ai; A na kamaunaia kanoan Etau n ai aron te nikira ni uita i aontano ngkana e buee. Bon akea nikiraia kanoan Etau aika ana tiku ni maiu. Bon Ana taeka te UEA!

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Teb'ania 1:14

E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Tekaria 14:1

E na bon roko ana bong te UEA. Ao ngkana e roko, ao a na kaokaki b'aai ni kabane ake a anaaki mai Ierutarem ma n tib'aaki i marenaia kaaina.

Maraki 3:15

Bon noori kukureia aomata aika a buakaka aikai. A teetekeraoi aomata nako aika a karaoa ae e kaairua, ao bon akea naba te kangaanga ae e riki nakoia ngkana a kataa te Atua.”

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Maraki 3:3

E na kaitiakia ana kariki Rewi, te UEA kaanga ai aron te tirewa. Ao ane a na uota te angab'ai ae e kaantaningaaki nakon te UEA.

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Ruka 19:43

B'a ane a na roko i roum boong ake a na karaoa iai te o am kairiribai man tanon rarikim ae a katabukirakea ni katobibiko, ao ane a na otab'aniniiko, ni buakaniko mai rarikim nako.

Ruka 21:20

Ma ngaia ae ngkana kam nora Ierutarem b'a e otab'aniniaki irouia taanga ni buaka, ao kam na ataia ngkanne b'a e a kaan uruana.

Ruka 6:23

Kam na kim'areirei n te bong arei, ao kam na kibakiba rake ni kukurei, b'a noria, a bati kaniwangami i karawa aika kam na anganaki mairoun te Atua; b'a a karaoi naba baikai aia bakatibu nakoia aia burabeti.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.