Maraki 3:8 - Te B'aib'ara

⁸ Kam kimoai Ngai ae Atuami ngkami aika aomata. Ikai are kam titiraki iai nako iu ni kaangai, “Ti kimoaiko n te aro raa?” Kam kimoaai n te angab'ai ao n te kabwianib'ai are bon Au b'ai.

Maraki 3:8 ပူးပေါင်းရင်းမြစ်များ

Taian Areru 29:2

Kam na angan te UEA neboakin arana ae mimitong; Kam na bobaraaki i matana ngkana E kaoti.

Taeka n Rabakau 11:24

Kam konaa n riki ni kaub'ai n te tai teuana ngkana kam ataataiaomata ke n riki ni kainano ngkana kam nanonrang.

Itaia 43:23

Ko a tia n aki karineai ni karean taian tiibu ma maan riki tabeua. Ao I tuai ni karawaawatako n tangiri taian karea ke taiani b'ai ni kaboiarara.

Nakoaia Ibonga 19:25

nako Iu, Ngai ae te UEA ae te Atua. Karaoa aei, ao n te kanimaua n ririki aroka akekei a na karikii uaaia aika a na rangi ni bati b'a kanami.

Tekaria 5:3

Ao i mwiina, e tuangai ni kaangai: E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.

Maraki 1:13

Ko a rangi ni kam'araa n te aro are ko bon anga naba taian kanikina aika a buakaka nako iu. Ao kam uoti nako iu taian karea aika maan aika a kimoaaki maan aika a m'auku ke a aoraki. I konaa ni kariaia baikai?

Maraki 1:8

Kam bon aki ataia b'a e bure kareanakin taiani man aika a mataki, m'auku, ke a aoraki? Ao ngkana ngaia kam na ti kataia n anga taiani man aikai nakon te koowana. Ni koauana e na bon aki kani kukurei ke ni buokingkami.

Mataio 22:21

A kaeka ao a taku, “Kaitaraa.” E taku ngkanne nako ia, “Ma ngaia ae kam na angani Kaitaraa akana ana b'ai Kaitaraa; ao angan te Atua akana ana b'ai te Atua.”

Mareko 12:17

E taku ngkanne Iesu, “Angan te uea n Rom b'aai akana ana b'ai te uea n Rom, ao angan te Atua b'aai akana ana b'ai te Atua.” Ao a mimi iroun Iesu.

Ruka 20:25

Ao E taku nako ia, “Ma ngaia ae kam na angani Kaitara akana ana b'ai Kaitaraa, ao angan te Atua akana ana b'ai te Atua.”

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

I-Rom 2:22

Ngkoe ae ko taku b'a e na aki wene ni bure te aba, ko wene ni bure? Ngkoe ae ko ribai bouannanti, ko anai b'ain Tembora n te aro n iowawa?

Iotua 7:11

E a tia ni bure Iteraera! A tia ni urua Au boraraoi ma ngaiia are I tuangiia b'a a na kawakinna. A tia n anai b'aai tabeua ake a riai ni kamaunaaki ni kabane. A iraei, ao a karaoa te kewe iai ao a kaawakin i buakon aia b'ai.