Maraki 3:6 - Te B'aib'ara

⁶ Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

Maraki 3:6 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 15:7

Ao E a manga taku te UEA nakon Aberam, “Boni Ngai te UEA are I kaotinakoko mai Ura i Kareria, ao I anganiko te aba aei b'a abam.”

Karikani B'aai 22:16

“N na karaoa te berita i bon irou, bon Ana taeka te UEA, N na boni kabatia kakab'aiakim. I bukina ngkai ko a tia n aki taua natim te mm'aane ae am rikitemanna nako iu,

Taian Areru 102:26

A na bane ni mauna, ma Ko teimatoa; ane a na mangaingai kanga te kunnikai. Ko onikia kanga ai aron te kunnikai, ao ane a na bane n akea rab'ataia.

Taian Areru 102:27

Ma Ko teimatoa n aki onionikaki; ao akea tokini maium.

Taian Areru 102:28

A na maiu ma te rau natira, ao i aan am tararua a na kawakinaki raoi aia kariki iroum.

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 78:57

A rawa ni kan aan-taeka ao a aki kakaonimaki n ai aroia aia bakatibu. Akea onimakinaia.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 46:4

Ao N na bon karaoa naba anne ngkana kam a kara ma ni iaia, ao N na bon kaawakiningkami. I karikingkami. I uotingkami ao I tararuaingkami n taai nako.

Ieremia 32:27

Ieremia, Bon te UEA Ngai ae te Atua, ao I bon konaa ni karaoi b'aai ni kabane!

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Otea 11:9

Iteraera, I aki konaa ni kabua nanou ni marakin nanou ma ni manga uruaniko riki. Bon te UEA Ngai ae I tabu tiaki Ngai te aomata, I aki konaa ni katutuka marakin nanou.

Ab'akuka 1:12

Te UEA, bon te Atua Ngkoe mangkoa. Bon te Atua Ngkoe ae ko tabu ae akea tokim te UEA, Atuau, ao otangau. Ko a tia n rinea B'aburon ma ni kakorakoraa b'a tabonibaim n oroira.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 22:13

Boni Ngai te Areb'a ao te Omeka, te Moa ao te Toki; boni moani b'aai Ngai ao tokiia naba Ngai.”

1.Tamuera 15:29

Ao i rarikin anne, bon tiaki te aomata Atuaia Iteraera ae akea tokina E aki taetaekina te kewe ke ni bibitaki nanona.”