Maraki 3:18 - Te B'aib'ara

¹⁸ Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Maraki 3:18 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Iobi 17:10

Ma ngkana a bane n nakomai ao n tei i matau, ao N na bon aki kunea te aomata ae wanawana i buakoia.

Iobi 6:29

Kam a rangi n tibanako. An tai manga taekini taeka aika aki raoiroi. Tai kabuakakaai, b'a I bon tei n te eti.

Te Otinako 11:7

Ma e na bon aki kaukau naba te kamea nakoia Iteraera ke aia man. Ao kam na ataai iai b'a bon te UEA Ngai, ae E kaokoroia kaain Aikubita ma Iteraera.’ ”

Ieremia 12:15

Ma N na manga nanoangaiia botannaomata aikai n te tai teuana ma ni manga kaokiia nako oin abaia nako.

Taniera 2:18

E tuangiia b'a a na tataro nakon te Atua ae Atuani karawa, b'a E na nanoangaiia mani butiia buokaia nanon te mii arei, b'a a rawa n tiringaki i rarikiia taan rabakau ake boni kaaini B'aburon.

Ioera 2:14

Bon te UEA Ngai ae Atuami. E na mena ngkoa ao N na manga bita nanou ma n nanoangaingkami. Ao ane kam na kakab'aiaki n anganaki taian uita ao te wain ae e tau i bukin te angakarea nako iu.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

M'akuri 16:17

E irira ma B'auro, ao e aki toki n takarua ni kaangai, “Ana toro te Atua are Moan te Rietaata aomata aikai, ao a kaota te kawai ni kamaiu nako ira!”

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

I-Rom 1:9

B'a te Atua bon te tia kakoauai au taeka, ao boni Ngaia ae I toro i rouna n tamneiu i bukin tataekinan euangkerion Natina, b'a I aki toki n uringngkami

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”