Maraki 3:16 - Te B'aib'ara

¹⁶ Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

Maraki 3:16 ပူးပေါင်းရင်းမြစ်များ

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

2.Tamuera 7:1

Ao e m'aing Tawita nakon te bareti ae e boou, ao te UEA e kariaia b'a e na waaki abanueana ma te rau.

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

1.Uea 18:3

Ao e riki Ob'aria b'a te tia tararua ana bareti Aaba n te tai anne, ma e bon kakaonimaki naba n taromauria te UEA.

2.Rongorongo 6:7

Ngke e tangiria ngkoa tamau ni karaoa te Tembora i bukin te UEA ae Atuan Iteraera,

Neemia 1:11

I butiiko b'a Ko na kaekaa au tataro ao aia tataro am taani m'akuri ake tekorakina aika a kukurei naba ni karinea aram. Ngkana I uota ana wain te uea n te bong aei, ao karaoia b'a e na kukurei irou, ma ni karaoa te b'ai ae n na buubutiia.

Etita 2:23

Ao e karaoaki te kakaae, ao e kuneaki b'a ngaia e boni koaua te rongorongo arei. Ma ngaia are, a kaai ni kabaeaki roroaia m'aane aikekei n te kainikabaeroroa. Ao e tua te uea b'a e na koreaki taekan te b'ai ae e riki aei ni bokin te tautaeka.

Etita 6:1

Ao e aki reke matuun te uea n te tairiki arei. Ma ngaia are, e tuatua b'a a na uotaki bokin te tautaeka aika a kakaawaki nakoina, ao a warekaki nakoina.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 104:33

N na anene nakon te UEA ni karokoa tokini maiu; N na anenea karaoiroan Atuau ngkai iai irou te maiu.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 115:13

E na kakab'aiaia aomata n tatabemaniia nako aika karinea, aika kakannato ma aika mangori.

Taian Areru 119:63

Bon raoia akana karineko ngai, ma akana ongeaba nakon am Tua.

Taian Areru 139:4

I m'ain taetaeu ao Ko a kaman ataa te taeka ae na oti nako mai wiiu.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 16:3

Ai raoiroira aroia am aomata te UEA aika kakaonimaki! Bon kakatongau irouia n tainako.

Taian Areru 20:7

Tem'angina a onimakin aia kaanibuaka, ao tem'angina aia aoti, ma ngaira, ti onimakina m'aakan te UEA ae Atuara.

Taian Areru 33:18

Ma te UEA, E tatarataraiia akana karinea, Akana onimakina ana tangira ae teimatoa.

Taian Areru 34:15

E aki kaaki matana te UEA mairouia akana raoiroi; ao E ongo ni b'anaaia ni bubuti.

Taian Areru 56:8

Ko ataa arou n aki rau; Ko kawakin taekan mwin m'aitin rannimatau tiaki a koreaki taekaia n am Boki?

Taian Areru 56:9

N te bong ae I weteiko iai, ao a na oki nako taan ribaai. N rikin aio ao I ataia iai b'a te tia buokai te Atua,

Taian Areru 66:16

Nako mai, ongora, ngkami akana kam karinea te Atua, Ao N na tuangngkami te b'ai ae E a tia ni karaoia i buku.

Taian Areru 94:19

N taai ake I tabeaianga ma n raraoma iai, ao Ko kabebeteai ma ni kakukureiai.

Te Otinako 32:32

Ma I a buubutiiko te UEA b'a ko na kab'araa aia bure. Taiaoka kamaunaa arau man am boki ngkana Ko aki kab'araa aia bure.

Taeka n Rabakau 13:20

Kam na wanawana irouia raoraomi aika a wanawana, ma kam na bon kaikoakaki ngkana kam iririia aika a nanobaba.

Itaia 26:3

E anga te rau ae e tamaroa te UEA nakoia aika a matoa aia onimaki.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 65:6

I a tia ni korea te baei; N na aki kainab'aabu. N na kaokia nakoia n aron are a bon riai n anganaki i bukin aia bure.

Ieremia 31:18

A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

Ieremia 8:6

I rangi ni kakauongo raoi, ma bon akea temanna ae e roko n te namakinna b'a e a tia ni karaoa ae e bure. Ao kam ira nako te kawai ae e kaairua n aki karaua n iangoia raoi kaanga taanga ni buaka ake a toka i aoia aoti aika a biri nakon te buaka.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Ruka 2:38

E nako neiei n tei i rarikin Ioteb'a ma Nei Maria n te aua naba arei, ao e katituaraoa te Atua, ao e tataekina aron te teei nakoia aomata ni kabaneia ake a kantaninga kamaiuaia Iteraera.

M'akuri 1:13

Ao ngke a rin i Ierutarem, ao a nako n te ru are i eta, are a kabongana b'a neia ni maeka n te tai ae aki maan Betero, ma Ioane, Iakobo, Anterea, Biribo, Toma, B'aretorom'aio, Mataio ma Iakobo are natin Areb'aio, ma Timon are te Terote, ao Iuta are tarin Iakobo.

M'akuri 10:2

E kakaonimaki Korenerio nakon ana kaantaninga te Atua, ao e rangi ni karinea te Atua, ti te bo arona ma kaain ana utu; e aki toki n angaanga b'aai n tituaraoi, ao e b'aina te tatataro nakon te Atua.

M'akuri 2:1

Ngke e roko te bong are Bentekota, ao a bane ni botaki ake a onimakina Iesu n te tabo ae ti teuana.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Ebeto 5:19

Kam na i taetae temanna nakon temanna, n taekan Taian Areru, ma anene ma kuuna aika kam kairaki iai iroun te Tamnei are Raoiroi; anenei ma nanomi taian anene ma taekan Taian Areru nakon te UEA;

1.I-Tetaronike 5:11

Ma ngaia ae kam na i karau nanomi, ao kam na i kateimatoaingkami, n ai aron ae kam kakaraoia.

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

Ebera 10:24

Ti na iangoa aron temanna ma temanna i roura ni buokira b'a ti na kaota te tangira ni maiura, ao b'a ti na karaoi m'akuri aika raraoi.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.