Maraki 3:15 - Te B'aib'ara

¹⁵ Bon noori kukureia aomata aika a buakaka aikai. A teetekeraoi aomata nako aika a karaoa ae e kaairua, ao bon akea naba te kangaanga ae e riki nakoia ngkana a kataa te Atua.”

Maraki 3:15 ပူးပေါင်းရင်းမြစ်များ

Etita 5:10

Ma e keiaki n taotaona nanona ma n okira ana auti. Ao i mwiina, e kaoiia raoraona nakon ana auti, ao e butia buuna b'a e na raoniia naba.

Iobi 1:22

E bon aki roko n te bure Iobi ni bukina te Atua ni b'aai ni kabane ake a tia n riki.

Iobi 12:6

A maiu ma te rau taani kimoa, ma aomata naba aika akea te b'ai ae a onimakinna, e ngae ngke a tia n atuani korakoraia.

Iobi 21:30

B'a n te bong are E un ma ni katuaaia iai aomata te Atua, ao bon aomata aika buakaka aika a kamaiuaki n taai nako.

Iobi 22:23

Okira te Atua ma te nanorinano, ao katoki b'aai ni kabane aika buakaka ake a kakaraoaki i nanon am auti.

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Taian Areru 106:14

Ma iai nanoia ae korakora ni kan am'arake i nanon te rereua, Ao a kataa te Atua iai.

Taian Areru 141:4

Ko na tukai mani kani karaoan ae buakaka, ao man raonakiia akana buakaka ni karaoi m'akuri aika bubuaka. N na aki am'arake ma ngaiia n aia tai ni bootaki.

Taian Areru 49:18

E ngae ngkana e rauaki nanon te aomata ni maiuna, Ao e kamoamoaki b'a e tetekeraoi ni maiuna,

Taian Areru 58:2

Kam aki! kam ti iaiangoi baika bubuaka aika kam kona ni karaoi, aika m'akuri ni kakeru i aon te aba.

Taian Areru 73:12

Anne aroia aomata aika buakaka. A bati aia b'ai ao a aki toki ni karereke aika bati riki.

Taian Areru 73:3

i bukin nanobwiu irouia ake a kainikatonga ngke I noori b'aai b'a a nako raoi i bukiia aomata aika buakaka.

Taian Areru 78:18

A aki manrerei ngke a kataa te Atua ngke a tua b'a e na karekeaki kanaia are a tangiria.

Taian Areru 78:41

A okioki aia m'akuri ni kataa te Atua, Ao a kamaraka te Atua ae Tabu ae Atuaia Iteraera.

Taian Areru 78:56

A kataa naba te Atua are Moan te Rietaata, Ao a rawa ni kan aan-taeka i rouna; A aki ongeaba nakon ana tua,

Taian Areru 95:9

Ike a kataai iai ao a kekera nako arou, e boni ngae ngke a tia n noori baike I karaoi i bukiia.

Taeka n Rabakau 12:12

E kataia ni karabaa te aomata ae e buakaka i akuun te buakaka; kaanga ai aron taian aroka aika a nene wakaaia aomata aika a raoiroi.

Te Minita 8:14

Bon iai te b'ai teuana ae akea nanona irou. Kaain te aba aika raraoi a karaoaki b'a kaanga buure ma buakaka, ao buure ma buakaka a karineaki b'a kaanga kaain te aba aika a raoiroi.

Itaia 2:22

Katoka onimakinan m'aakaia aomata. A na boni bane ni manga mate, ao a na kangaa ni buokingkami?

Ieremia 7:10

Ao i mwiina, kam rin i nanon au Tembora ao kam taromauriai! Tao kam taku b'a N na kawakiningkami n te aro b'a kam na teimatoa ni kaakaraoa te bure?

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Taniera 6:16

Ma ngaia are, e a anga ana taeka te uea i bukin Taniera b'a e na karenakoaki i nanon te m'anono are e kanoaaki irouia raian. Ao e taku nakon Taniera, “E bia kamaiuko Atuam ane ko toro i rouna ma te kakaonimaki.”

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

M'akuri 12:21

N te bongi teuana are e baireaki, ao e karini kunnikaina n uea i aona Erote, ao e tekateka i aon ana kaintokanuea, ao e taetae nakoia aomata.

M'akuri 5:9

E taku ngkanne Betero nakoina, “E aera ngkai e bo nanom ma buum b'a kam na kataa Tamnein te UEA? Noria, a tei ngkai i matan te mataroa rorobuaka ake a tia n tauna buum, ao ane a na manga uotiko nako naba!”

1.I-Korinto 10:9

Ao ti na tai kataa te UEA, n ai aroia tem'angina i buakoia ngke a kataia, ao a tiringaki irouia naeta.

Ebera 3:9

Ike a kariria iai te Atua ami bakatibu ni kataia, ao a nori naba ana m'akuri angaun te ririki.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”