Maraki 3:10 - Te B'aib'ara

¹⁰ Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Maraki 3:10 ပူးပေါင်းရင်းမြစ်များ

Karikani B'aai 28:22

E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

Karikani B'aai 7:11

Ngke ai onobubua ana ririki ni maiu Nooa, ni katebwi ma itiuan bongin te kauoua n nam'akaina, ao a uki kawain raan ake i aan te aba n tiirake, ao a uki naba mataroan ranin karawa ni b'aro,

2.Uea 7:19

Ma e aki roko n te kakoauaa te b'ai arei te aobitia arei, e ngae ngke E boni konaa te UEA ni karaoa te b'ai arei. Ma ngaia are, e kauringnga Eritai b'a e na nooria ngkana e a koro bukina, ma e na aki kana am'arakena naba teutana.

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

1.Rongorongo 26:20

A anganaki tabeia kanoan Rewi ake ana koraki kanoan Kora ma Merari tabeia b'a a na tantani ni kaub'ain te Tembora ao b'aintangira ake a tia ni katabuaki b'a a na b'ai te Atua.

Neemia 12:44

A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

Neemia 12:47

A bane Iteraera n anga b'aai nako ake a bon taku b'a a na kainanoaki irouia taan anene ao taan tei n te tembora man te baronga are Rewi i nanon au tai ma Terub'abera. Ao i mwiina, a na anganaki ibonga tib'angaia mairouia kanoan Rewi man b'aai ake a tia n reke irouia.

Neemia 13:5

Ma ngaia are, e a manga kamaekaa Tobia n teuana mai buakon ru aikai, ike a tia ni kaawakinaki iai aekaki ni b'ai nako-te angab'ai are te uita, b'ai ni kaboiarara, b'ai n am'araken te Tembora, ao ai uana naba ma kabwianib'ai man te uita, wain, ao b'aan te oriwa ake a tia n anganaki irouia kanoan Rewi ake taan anene, ao taan teiakina te tembora, ao taian b'aintangira i bukiia ibonga.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 78:23

Ma E taetae nakon taian nang, Ao E tua b'a a na uki mataroani karawa;

Te Minita 11:3

E aki toki n uouota te karau te nangi ni karau; a bon tiku naba taian aroka ni nneia ake a b'aka iai.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Etekiera 44:30

E na b'ainaki moan m'akoron uaan te tai irouia ibonga. A na b'ain naba m'akoron taiani b'aintangira ni kabane ao taian angab'ai ake a uoti Iteraera nako iu. Ao ngkana iai akana a kam'aa kanaia te kariki, a na riai n anga te moan kariki b'a aia angab'ai nakoia ibonga, ao N na kakab'aia mwengaia aomata akana a karaoa aei.

Otea 2:21

N na tuanga karawa b'a e na karokoa te karau i aon te aba,

Ioera 2:19

Ao E taku ngke E kaekai aia tataro, “N na anganingkami te uita, te wain ao b'aan te oriwa ae e tau, ni katoka kainanomi. N na aki manga anga ngkami b'a kam na kab'ainrangaki irouia botannaomata.

Ioera 2:24

E na kaona ami tabo ni kaaki kun ni uita te uita; a na taonako taian tiaeki n te wain ma b'aan te oriwa.

Nakoaia Ibonga 26:10

A na taonako autin ami uaanikai ni uaa aika a uangingi ni katoa ririki.

Nakoaia Ibonga 26:3

Kakaonimaki ongotaeka nakon au tua nako,

Nakoaia Ibonga 27:30

Tebwina te betienti man uaan ami tai ni kabane aika kam karekei man kaai n am'arake aika a riki i nanon ami tawaana, ke aika arokami a bon tabu ao bon au b'ai.

Akai 2:19

E ngae ngke ko tuai taiia te uita, te kureebe, te biiku, te bomkuranete, ke te oriwa, N na karimoa kakab'aiam tabeua te bong i m'aaim.

Warekaia Iteraera 18:21

Au b'ai 10 te betienti man uaan arokaia Iteraera, ao tebwina te betienti man aia man aika karimoa. Ma I anga baikai ni kabane nako ia kanoan Rewi b'a booia i bukin aia m'akuri are a karaoia n te Um'antabunrianna,

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Te Tua-Kaua 12:6

ma ni kamaekaingkami ma te rau n te aba are E a tia n anganingkami. Ma ngkana kam a tia n tekateka, ao ane e na manga kaokoro te maiu.

Te Tua-Kaua 14:22

Kaain Iteraera, kam na kaokoroi katebwina ni m'akoron ami uita ake kam tai ni katoa ririki.

Te Tua-Kaua 14:29

Bon akea abaia kanoan Rewi, ma ngaia are, kam na anganiia kanaia man te autinib'ai. Ao kam na anganiia naba kanaia aomata aika kainano, n reitaki ma ataei aika akea aia karo, aine aika akea buuia, ao taian iruwa,. Ngkana e reke kanaia ae tau nakoia, ao ane E na kukurei iai te UEA ae Atuami, ao E na katekeraoingkami ni b'aai ni kabane akana kam karaoi.

Te Tua-Kaua 28:12

E na kauka ana Autinib'ai te UEA are i karawa ike E kakaawakina iai te karau, ao E na kab'aka te karau i aon te aba n taai aika riai. E na kanakoraoi b'aai ni kabane aika kam karaoi. A na rangi ni m'aiti ami m'ane are kam na kataarauia iai botannaomata tabeua, ma kam na aki kainanoa te taarau.