Maraki 2:8 - Te B'aib'ara

⁸ Ma kam a tia ni katinanikuai. A kairiia aomata tabem'aang ami reirei nakon m'akuri aika a bure, ao kam a tia n urua te boraraoi are I karaoia ma ami bakatibu are Rewi.

Maraki 2:8 ပူးပေါင်းရင်းမြစ်များ

2.Uea 16:11

E irii baairean aroni katean te baonikarea Uria ni katea iai te baonikarea ae bon aekakin raoi are i Tamateko, ma ni katiaa raoi i m'aain okin Aati.

Neemia 13:29

I tataro b'a e na katuaaia te Atua i bukin uruakan aia berita n nakoaia n ibonga ao i bukin naba katarabuakaan te baronga are Rewi.

Taian Areru 119:102

I a tia n ongeaba nakon am Taeka n reirei, Ngkai bon au Tia Reirei Ngkoe.

Taian Areru 18:21

I a tia n ongeaba nakon ana tua te UEA; Ao I tuai ni bure, n tan nako mairoun Atuau.

Taeka n Rabakau 12:8

E manena te iangoraoi n te nebonebo, ma te nanobaba bon te kamaraia nakoia aomata aika a nanobaba.

Itaia 30:11

Ani katoka te b'ai ae e a tia n taekinna te Atua! Ti aki kani manga ongo taekan Atuaia Iteraera ae e tabu.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Itaia 9:16

A tia ni kairiia ni kab'akaia botannaomata n te kawai ae e kaairua, ao a mangaongao aomata irouia.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Etekiera 22:26

A katinanikui au Tua ibongan Iteraera! A aki ti rawa ni karinei b'aai aika a tabu, ma a bon rawa naba n reireiniia aomata kaokoron b'aai aika a tabu ma b'aai aika a aki tabu, ke te kaokoro i marenan baika a itiaki ma baika a baareka. A karaoa Au Taabati b'a kaanga te bong n aki akaaka, ai ngaia are, a aki karineai naba iai ake bon oin Au aomata.

Etekiera 44:10

Iai tabeman kanoan Rewi aika a tannako mairou ao a raoniia Iteraera tabem'aang ake a taromauri taian bouannanti. Ma ngaia are, a na riai ni katuaaeaki kanoan Rewi aikai!

Etekiera 44:12

I berita Ngai ae te UEA ae te Atua b'a a na katuaaeaki kanoan Rewi aikai i bukina ngke a buokiia aomata ngke a taromauri taiani bouannanti. A aki katokiia Iteraera mani karaoan te bure,

Etekiera 44:7

E a tia ni kamatauningaaki au Tembora, i bukina ngke kam a tia ni kariaia ianena aika akea atuaia, aika a taningamatoa b'a a na roko ikai i nanon tain te anga karea nako iu. Kam a tia ni bure ma n tia n urua ara boraraoi ae e matoa.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Nakoaia Ibonga 21:15

N te aro aei, ao kanoam a kona n toro i Rou. Uringnga b'a bon te UEA Ngai, ao I a tia n rineiko.

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:5

N na kakab'aia n te maiu ae kororaoi, n aron are I a tia ni berita iai, ao ngaia e na kaawakina tib'angana n te boraraoi are e na neboai ma ni karinea arau.

Warekaia Iteraera 25:12

Ma ngaia are, I a kab'arai aia bure n onea mwiin are N na bon katuaaia.

Warekaia Iteraera 25:13

I berita b'a e teimatoa n riki b'a Au ibonga Bineati ma kanoana i bukina ngke e kaota te kakaonimaki nako Iu Bineati.”

I-Rom 14:21

E raoiroi te aki kang iriko ma te aki moi wain, ma aki karaoan te b'ai teuana are e na riki b'a te b'ai ni kab'akab'aka nakon tarim.

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.

1.Tamuera 2:17

A aki tabe natin Eri ake m'aane ma aia karea aomata ake a anga. Ao bon te bure ae rangi ni buakaka te baei, ao e bon kauna te UEA.

1.Tamuera 2:24

Bon akea te b'ai ae I ongongo ma ti taekan ngureakinakimi irouia ana aomata te UEA.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.