Maraki 2:14 - Te B'aib'ara

¹⁴ E aera ngkai e aki kukurei te Atua? I bukina b'a E ataingkami m'aane n tatabemaningkami nako b'a kam aki kakaonimaki nakoia buumi ake kam mare ma ngaiia ma ngke kam rikirake. Kam berita b'a a na riki b'a raomi n taai nako, ma ngkai kam a tia n urua ami berita.

Maraki 2:14 ပူးပေါင်းရင်းမြစ်များ

Karikani B'aai 2:18

Ao E taku te UEA ae te Atua, “E bon aki raoiroi b'a e na maiu te mm'aane n ti ngaia. N na karaoa raona ae e tau.”

Karikani B'aai 31:50

Ao e reita nako ana taetae Raab'an ao e taku, “Ngkana ko karaoa ae aki riai nakoia natiu aine, ke ngkana ko a manga iein ma tabeman, e ngae ngke I aki ataia, ma ko na uringnga b'a E tarataraira te Atua.

Taeka n Rabakau 2:17

ae e urua ana taeka ni bau ma buuna ao e kiitana te m'aane are e mareaki ma ngaia ma ngke e ataeinaine.

Taeka n Rabakau 30:20

E taku ana taeka te ainenum'a ae e aki kakaonimaki, “Akea buren te matu ma te m'aane temanna b'a kaanga ai aron kanakin te am'arake.”

Taeka n Rabakau 5:20

Ko na aki karangirangko iroun te aine ae e aki kakaonimaki nakon are bon oin buuna!

Te Minita 9:9

E kimototo te maiu aei, ao ko tangira buum, ma ngaia are, kakukureiko ni mena i rarikina. Bon aei te b'ai ae ko kaantaningaaki b'a ko na karaoia, ngkai ko tabe ni korakai n te maiu n te aonnaba aei.

Ana Anene Toromon 1:15

Au tangira, ko rangi kantangiraki, i aon te taatangiraki matam kaanga matan te taobe.

Itaia 54:6

Ti te bo ngkoa ma te buu ae e uarereke, ae e uruaki nanona ae e tang b'a e a tia ni kiitanaki iroun buuna. Ma E taku te UEA ae Atuam, “I a kaokiko ngkai!

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Ieremia 42:5

Ao a bane ni kaeka ni kaangai, “E na bon riki te UEA b'a ara tia kakoaua b'a ti a tia ni berita b'a ti na karaoi b'aai ni kabane ake E taekinna,

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Ieremia 9:2

Tera ngke I konaa n nakon te rereua ni kakaaea te tabo ni karabaraba mairouia aomata ni kabane aika a b'anganikewe ao aika a aki kakaonimaki nakon te Atua.

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Mika 1:2

Ongora ngkami aika botannaomata nako; kakauongo ngkami aika kam maeka n te aonnaba; e na kaoti arom nako aika a buakaka te UEA. Kakauongo! E taetae man ana Tembora are i karawa.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Maraki 3:8

Kam kimoai Ngai ae Atuami ngkami aika aomata. Ikai are kam titiraki iai nako iu ni kaangai, “Ti kimoaiko n te aro raa?” Kam kimoaai n te angab'ai ao n te kabwianib'ai are bon Au b'ai.

Tani Motiki-taeka 11:10

Ao a taku taani kairiiri, Eng, bon ara taeka aikanne ao bon te tia kakoaua te UEA.

1.Tamuera 12:5

Ao e taku Tamuera, “Bon taani kakoaua te UEA ma te uea are e rineaki nakon baika kam taekin.” Ao a taku aomata, “Eng, bon te koaua.”