Maraki 2:12 - Te B'aib'ara

¹² I tataro b'a E na aki kariaia te UEA b'a a na riki b'a a na aomata koraki aika a tia ni bure, e ngae ngkana a rangi n ingainga nanoia n kan anga ana b'aintangira te UEA.

Maraki 2:12 ပူးပေါင်းရင်းမြစ်များ

1.Rongorongo 25:8

E anganiia tabeia Tawita koraki aikai man titirakinan te UEA b'a tera ae e tangiria. A bane n reke tabeia ni b'aai ni kabane, e ngae ngkana e rangi n ataei ke e a kara, te tia reirei ke ataein te reirei.

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Etekiera 14:10

Ao e na katuaaeaki naba aron anne te aomata ane e nako ni kawara te burabeti i bukin karekean te rongorongo.

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Otea 9:12

E ngae ngkana iai natimi, N na anai ni kabane ma ni katikuingkami ma te tang. N na tannako, ao ko na inako rikaaki i nanon te kanganga ae e korakora.

Nakoaia Ibonga 18:29

Kam ataia raoi b'a ane e karaoi baika a kam'araea te aba n ai aron aikai, ao e na bon aki aranaki b'a ana aomata te Atua.

Nakoaia Ibonga 20:3

A tia ni kamaamaea te tabo ike I taromauriaki iai ni ikotaki ma Arau ae e tabu. Ma ngaia are, N na ekinakoia ao a na aki manga riki b'a raoia au Aomata.

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Tekaria 12:7

N na anga te tokanikai nakon Iuta, ma ngaia are, e na aki manga kakannato riki abanuean Tawita ma mimitongin te kaawa are Ierutarem ni kabane nakon Iuta n ti ngaia.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Maraki 1:13

Ko a rangi ni kam'araa n te aro are ko bon anga naba taian kanikina aika a buakaka nako iu. Ao kam uoti nako iu taian karea aika maan aika a kimoaaki maan aika a m'auku ke a aoraki. I konaa ni kariaia baikai?

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Warekaia Iteraera 24:5

“Iteraera, Ai tamaroara ami maeka.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

1.Tamuera 3:14

I kauringa Eri b'a e aki kona te karea ke te angab'ai ni kaeti b'aai! B'a e a rangi ni m'aiti aia tai ni karaoi b'aai aika rangi n ribaaki.