Maraki 2:11 - Te B'aib'ara

¹¹ Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

Maraki 2:11 ပူးပေါင်းရင်းမြစ်များ

Etira 10:2

Ao e taku Tekania are natin Ieiera te m'aane man ana utu Eram: Etira, ti a tia n aki ongotaeka iroun te Atua ngke ti mare ma aine aika Ianena, ma bon iai naba te kaantaninga i bukiia Iteraera,

Etira 9:12

Ao ti a tia ni kauringaki b'a ti na aki kariaia natira aine, ao natira m'aane b'a a na mare ma natiia m'aane ao natiia aine. A tuangiira naba am burabeti b'a ti na aki buokiia Ianena akekei, ke ni kamaekaia ma te rau. Ko tangirira b'a ti na rikirake ni korakora ao ni kukurei ni b'aai aika a tamaroa n te aba aei, ao n te tai teuana a na tiku nakoia natira n aki toki.

Taian Areru 106:28

A ira taromauriani B'aara i Beore ao a kang karea ake a katauaki i bukiia atua ake akea te maiu i nanoia.

Ieremia 2:3

Bon ti ngkami au b'ai, kaanga moan m'akoron te tai, ao I rangi ni katuaaia koraki aika a karaoa ae e aki raoiroi nako imi.

Ieremia 3:10

Ao te b'ai riki ae moan te buakaka, te botannaomata ae Iuta ngke e bakaaea te okirai.

Ieremia 7:10

Ao i mwiina, kam rin i nanon au Tembora ao kam taromauriai! Tao kam taku b'a N na kawakiningkami n te aro b'a kam na teimatoa ni kaakaraoa te bure?

Etekiera 18:13

ao e anaa te bakao ae e buubura ngkana e kataarau n te m'ane. Te mm'aane ae e buakaka n aron anne e na bon aki maiu. Bon ngaia ae e karaoi buure aika a kakamaaku aikai, ma ngaia are, akea ae e bure nakoina.

Etekiera 22:11

ke ma buuia tabem'aang. Ao tabeman a manga matu ma oin ai m'aaneia natin tamaia ke tinaia ma temanna.

Otea 6:7

Kam kam'aneai ngke kam urua ara boraraoi, n te tabo are e aranaki b'a Atam.

Nakoaia Ibonga 20:26

Boni Ngai te UEA ae Atuami ae tabu. Kam a tia n rineaki b'a au aomata, ao kam riai n tabu naba.

Maraki 1:1

Bon Maraki ngai, ao aio ana rongorongo te UEA are e anganai i bukin Iteraera.

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”