Maraki 2:10 - Te B'aib'ara

¹⁰ Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Maraki 2:10 ပူးပေါင်းရင်းမြစ်များ

Neemia 13:29

I tataro b'a e na katuaaia te Atua i bukin uruakan aia berita n nakoaia n ibonga ao i bukin naba katarabuakaan te baronga are Rewi.

Iobi 31:15

Te Atua are E karikai boni Ngaia naba are karika au tia m'akuri.

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Te Otinako 19:4

“Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Te Otinako 19:5

Ao ngkai, ngkana kam ongotaeka i Rou, ma ni kaawakin au berita, ao kam na riki b'a au aomata. Au b'ai te aonnaba ae b'anin, ma ngkami kam na riki b'a Au aomata aika rineaki,

Te Otinako 24:3

Ao e anga taian tua Moote nakoia aomata ao a berita ni kaangai, “Ti na karaoi b'aai nako akana e a tia ni mwiokoira iai te UEA!”

Te Otinako 24:7

Ao i mwiina, e wareka ana Tua te UEA n te b'anaa ae e korakora nakoia aomata, Ao a taku, “Ti na ongotaeka iroun te UEA ma ni karaoi b'aai nako ake E mwiokoira iai!”

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:15

Bon Atuam Ngai ae e tabu, Ana tia karikib'ai Iteraera ao ana Uea.

Itaia 43:7

Bon au aomata I karikiia n tatabemaniia nako b'a a na karineai.”

Itaia 44:2

Bon ami tia karikib'ai Ngai. I tararuaingkami ngke kam tuai naba bungiaki. Iteraera, kam na aki maaku! Bon au tia m'akuri ngkami ae kam rineaki, maamaten nanou.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Etekiera 33:24

Etekiera ae natin te aomata, a taku aomata ake a maeka ni kaawan Iteraera ake a uruaki, “Bon ti Aberaam ae e anganna te UEA te aba ae Iteraera ni kabane. Ti a rangi ni m'aiti n aomata ngkai ao bon taani b'aib'ai ngaira n te aba aei.”

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:11

Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

Maraki 2:8

Ma kam a tia ni katinanikuai. A kairiia aomata tabem'aang ami reirei nakon m'akuri aika a bure, ao kam a tia n urua te boraraoi are I karaoia ma ami bakatibu are Rewi.

Mataio 10:21

Ao te mm'aane ane e na anga tarina b'a e na tiringaki, ao ai aron naba are e na karaoia te tama nakon natina; ao ane a na tei rake naati n ekianako nako aia karo ao a na anga b'a a na tiringaki;

Mataio 22:16

A kanakoia aia reirei nako Ina, ao raoia aomata tem'angina ake kaain ana botaki Erote. A taku, “Te Tia Reirei, ti ataiko b'a Ko taekina te koaua, ao Ko reirei taekan aron te Atua i bukiia aomata, ao Ko aki mutiakin aroia aomata, b'a Ko aki nanonano n aron taraakin aroia aomata.

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Ruka 1:73

Are te taeka ni bau nakon tamara are Aberaam,

Ruka 3:8

Kam na kariki uaa aika a na kaotia b'a kam a tia n rairi nanomi, ao kam na aki taku i nanomi, ni kangai, Tamara Aberaam: b'a I taku nako imi, E kona te Atua ni karikiia natin Aberaam man atiibu aikai.

Ioane 8:39

A kaekaa ao a taku, “Ara bakatibu Aberaam.” E taku ngkanne Iesu, “Ngke arona b'a kanoan Aberaam ngkami, ao kam karaoa are e karaoia Aberaam.

Ioane 8:41

Kam karaoa are e karaoia tamami.” A taku nakoina, “Tiaki natintam'a ngaira; ti temanna Tamara, b'a te Atua.”

Ioane 8:53

Ko kakannato riki nakon Aberaam are ara bakatibu, are mate? Ao a mate naba burabeti! Ko taku b'a antai Ngkoe?”

Ioane 8:56

E kim'areirei ami bakatibu are Aberaam ni kan nora te bong are N na roko iai; ao e a kaman noria, ao e kakatonga iai.”

M'akuri 17:24

Te Atua, are karaoa aonnaba ma b'aai ni kabane aika i nanona, bon Ueani karawa ma aon te aba, ao E aki maeka n taabo n taromauri aika karaoaki ni baiia aomata.

M'akuri 17:25

Ao bon akea te b'ai ae a karaoia aomata i bukina b'a akea te b'ai ae E kainanoia, ngkai boni Ngaia ae anga te maiu, te ikeike, ma b'aai ni kabane nakoia aomata ni kabaneia;

M'akuri 17:26

ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.

M'akuri 7:2

Ao e kaangai Tetebano, Mm'aane aika taari, ma taama, kam na ongora. E kaoti te Atua are mimitong nakon tamara are Aberaam, ngke e mena i Metobotamia, ngke e tuai ni maeka i Aran.

M'akuri 7:26

N te bong are i mwiina, ao e nooriia uoman b'a a un. E kan raoiakiniia, ma ngaia are e kaangai, “Mm'aane, kai taari ngkami, kam aera ngkai kam a kaikoakingkami?”

I-Rom 4:1

Ao tera ae ti na taekinna b'a iai iroun Aberaam, are ara bakatibu n te maiu n rab'ata?

I-Rom 9:10

Ao tiaki ti ngaia, ma e riki naba ae aron aei nakon Rebeka ngke e bikoukou iroun temanna, are Itaaka are ara bakatibu;

1.I-Korinto 8:6

ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

I-Ebeto 4:25

Ma ngaia ae kam na kaaki te kewekewe, ao kam na atoatonga te koaua n tatabemaningkami nako nakoia raomi n onimaki, ngkai b'ain rab'atani Kristo ngaira n tatabemaniira nako.

I-Ebeto 4:6

ti temanna te Atua are Tamaia aomata ni kabaneia, are E uea i aoia ni kabaneia, ma ni m'am'akuri ri nanoia, ao E maeka i nanoia ni kabaneia.

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?

Iotua 24:3

Ao I anaa Aberaam are ami bakatibu anne man te aba anne ri aon te Iuberetiti ma ni karinna i aon te aba ae Kanaan ni kabuta. Ao I anganna ana kariki aika a m'aiti kurikuri. I a anganna natina are Itaaka.