Maraki 2:1 - Te B'aib'ara

¹ Bon iai te b'ai ae N na taekinna nakoia ibonga Ngai ae te UEA ae Moan te M'aaka.

Maraki 2:1 ပူးပေါင်းရင်းမြစ်များ

Ieremia 13:13

Ao i mwiina, e taku nako ia: Bon te UEA Ngai, ao te b'ai ae N nang karaoia bon te b'ai ae e na karikiia kaain Iuta ma Ierutarem b'a aomata aika a onrake n te wain. Aika a na rangi ni buakaka riki mai buakoia bon taian uea ake kanoan Tawita ao ibonga ma burabeti.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.