Maraki 1:9 - Te B'aib'ara

⁹ Bon te UEA Ngai ae Moan te M'aaka, ma ngaia ae kam riai ni karaoa ae N na kukurei iai. Kam a tia ni bure. Ao ngkai kam na nooria ngkana arona b'a tao N na akoa temanna mai roumi.

Maraki 1:9 ပူးပေါင်းရင်းမြစ်များ

2.Rongorongo 30:27

Ao a bubutiia te Atua ibonga ao kanoan Rewi b'a e na kakab'aiaia aomata, ao e karaoa anne mani mwengana are i karawa.

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Ieremia 26:19

Ao a manga kaeka taani kairiiri ni kaangai: Bon akea ae e tiringa Mika i bukin taekinakin anne. Ma n onean mwiin anne, e tataro Etekia nakon te UEA ma te maaku ao te ruru ao e butiia b'a e na nanoangaia. Ao i mwiin anne, e baaireia te UEA b'a E nang katoka uruan Ierutarem, e ngae ngke a tia n taekina b'a E na karaoia. Kaain Iuta, ngkana kam tiringa Ieremia, ao ti bon karokoa iai te kabuanib'ai ae e kakamaaku nakoira.

Ieremia 27:18

Ngke tao arona b'a I a tia n taetae nako ia burabeti aikai, ao a na ataa te b'ai ae N nang karaoia. Ao a na buubutiai b'a N na aki kariaia b'a a na anaaki b'aai ni kabane man te Tembora ao ana bareti te uea ao b'ain Ierutarem ni kabane.

B'aeb'aeti 2:19

Teirake n tang ni katoa tairiki nakon te UEA; Kaotii b'aai ni kabane nakon te UEA, ao butiia b'a e na nanoangaia am ataei Ataei ake a mate ni baki i nukan te kaawa!

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Ioera 2:17

Tuangiia au taani m'akuri, ibonga, b'a a na tang i nanon te Tembora ma n anga te tataro aei i rarikin te baonikarea:

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Ioane 9:31

Ti ataia b'a E aki ongo te Atua irouia aomata aika taani bure; ma ngkana e taromauria te Atua te aomata, ma n ongeaba nakoina, ao E ongo te Atua i rouna.

I-Rom 2:11

B'a e aki nanonano te Atua.

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.