Maraki 1:8 - Te B'aib'ara

⁸ Kam bon aki ataia b'a e bure kareanakin taiani man aika a mataki, m'auku, ke a aoraki? Ao ngkana ngaia kam na ti kataia n anga taiani man aikai nakon te koowana. Ni koauana e na bon aki kani kukurei ke ni buokingkami.

Maraki 1:8 ပူးပေါင်းရင်းမြစ်များ

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Taian Areru 20:3

E na butim'aai am karea ni kabane, ao ni kukurei n am karea ni kabane.

Ieremia 14:10

Au aomata, kam tangiria n tiotio nako, Bon akea naba ami keiaki ni kan kaaningkami ma Ngai. Ma ngaia are, N nang katinanikuingkami ngkai ma ni katuaaingkami i bukin ami bure. Bon aio au taeka Ngai ae te UEA.

Otea 8:13

Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

Akai 1:1

Ni moanibongin te kaonoua n nam'akaina n ana kauoua n ririki Taraiati ni uea i aon Botia, ao E taetae te UEA n tuanga Akai are te burabeti b'a e na taekina ana rongorongo nakon te kowana i Iuta ao nakon te ibonga are e rietaata. Ma ngaia are, e tuanga te Kowana are Terub'abera ao te ibonga ae rietaata are Iotua te burabeti are Akai.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Maraki 1:7

Kam kab'ainrangai ngke kam anga taiani karea aika akea manenaia i aon au baonikarea. Ao kam a manga kaangai, “Ti kab'ainrangko n te aro raa?” Kam karaoa anne n ami taeka ae e kaangai, “Tera kakannaton ana baonikarea te UEA?”

Te Tua-Kaua 15:21

Ma ngkana e m'auku, ke e matakii, ke iai toabuakan b'ain rab'atana teuana, ao kam na aki kareanna nakon te UEA ae Atuami.