Maraki 1:6 - Te B'aib'ara

⁶ Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 1:6 ပူးပေါင်းရင်းမြစ်များ

Taian Areru 123:2

Tooro aki toki n tataara aia m'atita, ma ngaira ti na bon teimatoa n tataraiko, ni karokoa e na bon mena am nanoanga i aora.

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Taeka n Rabakau 17:6

A kakatonga aia karo tamaia ma tinaia irouia tibuia, ao a na riai ni kakatonga naati irouia aia karo.

Taeka n Rabakau 30:11

Iai tabeman aomata aika a kamaraiaia tamaia ao bon tinaia naba;

Taeka n Rabakau 30:17

Ko na tai b'ainingarea tamam ke n aki ongotaeka iroun tinam A na katebea kanoani matam rebenin te m'arua ni karebenakoa, ao a na kana nikiran rab'atam taian ikare.

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 43:23

Ko a tia n aki karineai ni karean taian tiibu ma maan riki tabeua. Ao I tuai ni karawaawatako n tangiri taian karea ke taiani b'ai ni kaboiarara.

Itaia 45:10

Ataei bon akea riaimi b'a kam na kaangai nakoia ami karo, “E aera ngkai kam karikiira n arora aikai?”

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ieremia 23:11

E taku te UEA b'a N na taetae ni kaangai: E bon rangi n uarereke iangoakiu Ngai ae te UEA iroumi ngkami aika burabeti ma ibonga, n te aro are kam bure naba nakon oin au Tembora!

Ieremia 3:4

Kam aranai b'a tamami ke raoraomi ae e a tia ni m'arua n te tai ae e maan;

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ieremia 35:16

A a tia n ongotaeka kanoan Rekaba nakon ana tua aia bakatibu are Ionataba, ma kam tuai man ongotaeka i Rou,

Etekiera 22:26

A katinanikui au Tua ibongan Iteraera! A aki ti rawa ni karinei b'aai aika a tabu, ma a bon rawa naba n reireiniia aomata kaokoron b'aai aika a tabu ma b'aai aika a aki tabu, ke te kaokoro i marenan baika a itiaki ma baika a baareka. A karaoa Au Taabati b'a kaanga te bong n aki akaaka, ai ngaia are, a aki karineai naba iai ake bon oin Au aomata.

Otea 12:8

Ko kaangai i bon iroum, “I a kaub'ai! I bon karekei ni kabane i bon irou, ao akea te bure iai.”

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Nakoaia Ibonga 19:3

Karinea tamam ma tinam, katabua te Taabati,

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.

Maraki 2:1

Bon iai te b'ai ae N na taekinna nakoia ibonga Ngai ae te UEA ae Moan te M'aaka.

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Maraki 2:8

Ma kam a tia ni katinanikuai. A kairiia aomata tabem'aang ami reirei nakon m'akuri aika a bure, ao kam a tia n urua te boraraoi are I karaoia ma ami bakatibu are Rewi.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 15:4

B'a E tua te Atua ni kangai, Ko na karinea tamam ma tinam, ao ane tabeki taeka aika buakaka i bukin tamana ke tinana, ao ke e mate.

Mataio 15:6

Ao e a tau ngkana e aki karinea tamana ke tinana. Ma ngaia are i bukin ami taeka n reirei, ao kam a tia ni kakeaa iai ana taeka te Atua.

Mataio 19:19

Ko na karinea tamam ma tinam, ao, Ko na tangira ane maeka n ua kaani ma ngkoe n ai aron tangiram i bon i roum.”

Mataio 6:9

Aio ngkanne aron ami tataro: ‘Tamara are i karawa, E na tabuaki aram,

Mataio 7:21

A aki bane n rin n Uean te Atua akana aki toki n atoatongai b'a te Uea Ngai, ma e na rin iai ane karaoa nanon Tamau are i karawa.

Mareko 10:19

Ko atai taian tua: ‘Ko na aki kamateia aomata; Ko na aki wene ni bure; Ko na aki kimoa; Ko na aki anga am kaotioti ae kairua b'a taekan temanna; Ko na aki babakanikawai; Ko na karinea tamam ma tinam.’ ”

Mareko 7:10

B'a e taku Moote, ‘Karinea tamam ma tinam;’ ao e a manga taku naba, ‘Ane tabeki taeka aika buakaka i bukin tamana ke tinana, ao ke e mate.’

Ruka 10:29

Ma e kani karaoiroia teuarei, ao e taku nakon Iesu, “Ao antai raou?”

Ruka 18:20

Ko atai taian tua ake a kangai, ‘Ko na kakaonimaki n tuan te mare, Ko na aki kamateia aomata, Ko na aki kimoa, Ko na aki anga am kaotioti ae kaairua b'a taekan temanna, Ko na karinea tamam ma tinam.’ ”

Ruka 6:36

Kam na b'aina te nanoanga, n ai aron Tamami ae b'aina te nanoanga.

Ruka 6:46

“E aera ngkai kam atoatonga ae kangai nako Iu: ‘Te Uea, te Uea,’ ao kam aki ira nanon te bae I tuangngkami?

I-Ebeto 6:2

“Ko na karinea tamam ma tinam” bon aei te moa n tua ae raonaki n te taeka n akoi ae kaangai:

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

Te Tua-Kaua 5:16

Karineia tamami ma tinami, ao e na ananau ma n tetekeraoi maiumi n te aba are I anganingkami.

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.