Maraki 1:14 - Te B'aib'ara

¹⁴ Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Maraki 1:14 ပူးပေါင်းရင်းမြစ်များ

Karikani B'aai 27:12

E na mena ngkoa b'a e riingai tamau, ao e a ataia ae i kekeweia, ao e a manga oneaki mwiin te kakab'aia nakon te maraia nako iu.”

2.Tamuera 24:24

Ma e kaeka Tawita ni kaangai, “I aki! N na riai ni kabooi ni m'aitin booia ae e riai. I aki konaa n anga nakon te UEA ae Atuau te b'ai ae I anaia n aki akaaka.” Ma ngaia are, e kabooa te tabo ni kaakikunuita arei ma te kao n nimabwi te m'akoro n tirewa.

Taian Areru 102:16

Ngkana E a manga katea Tion te UEA, Ao E na kaota iai kakannatona;

Taian Areru 47:2

B'a E kakamaaku te UEA are Moan te Rietaata; bon te uea ae kakannato, e tautaeka i aonnaba.

Taian Areru 47:3

E anganira te tokanikai i aoia natanaomata; E katautaekaira i aoia botannaomata nako.

Taian Areru 47:8

E tauu taekaia botannaomata te Atua; E tekateka i aon ana kaintokanuea are tabu.

Taian Areru 48:2

E rietaata ao e tamaroa Tion, ae ana maunga te Atua; ana kaawa te uea ae kakannato ao e kakukurei nakoia aomata nako i aonnaba.

Taian Areru 68:35

Te Atua, Ko kakamaaku n rokom man am Tabo are Tabu Atuaia Iteraera! E anga te korakora ma te m'aaka nakoia ana Aomata. Kam na neboa te Atua!

Taian Areru 76:12

E kamangoria taan tautaeka aika kainikatonga, Ao E makaki irouia uean aonnaba.

Taian Areru 95:3

B'a bon te Atua ae kakannato te UEA, ao E m'aaka i aoia atua ni kabaneia.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Ieremia 48:10

I tangiria n tiringiia kaain Moaba, ao ngkana kam kabiri nako ia, N na bon kamaraiaingkami.”

Ieremia 48:15

Ma bon te UEA Ngai, ae Moan te M'aaka, ao I berita b'a a na karanganakoi ami kaawa nako kairiribai. Ao a na bon mate naba ami taani buaka aika a bane aroia n te buaka.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Maraki 1:8

Kam bon aki ataia b'a e bure kareanakin taiani man aika a mataki, m'auku, ke a aoraki? Ao ngkana ngaia kam na ti kataia n anga taiani man aikai nakon te koowana. Ni koauana e na bon aki kani kukurei ke ni buokingkami.

Maraki 2:1

Bon iai te b'ai ae N na taekinna nakoia ibonga Ngai ae te UEA ae Moan te M'aaka.

Maraki 3:9

Ao anne bukina ngkai e maraia ami botannaomata ni kabane.

Mataio 24:51

ao e na kataerea ni karawawataa, ao e na kaki i rarikiia taani m'am'ana-te-aba, n te tabo ike a na tang iai aomata ma n tenai riaia b'a kaotan ae a rotaki n te maraki ae korakora.

Mataio 5:35

ao tai m'anewea aran aonnaba, b'a nneni katokaani waena; ke aran Ierutarem b'a ana kawa te Uea are kakannato.

Mareko 14:8

E a tia ni karaoa are e kona neiei: e a tia ni kaboiarara rab'atau ni katauraoia i m'ain taunakiu.

Ruka 12:46

ao teuare ana mataniwi te toro arei, e na roko n te bong ae e aki kantaningaia iai, ao n te aoa ae e aki ataia, ao e na korouaia ni kam'akorokoroa, ao e na kaakiia i rarikiia ake a aki kakaonimaki.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

Te Tua-Kaua 28:58

Kam na ongotaeka nakoni b'aai ni kabane akana a m'akoro n ana Boki n Tua te UEA, b'a ngkana kam aki karinea te UEA,

1.Timoteo 6:15

are e na kaotaki rokona n te tai ae riai iroun te Tia Tautaeka ae karaoiroaki ae ti temanna, ae aia King king, ao aia Uea uea;

Ebera 12:29

b'a Atuara ai aron te ai ae kamamate.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”