Maraki 1:12 - Te B'aib'ara

¹² Ma e ngae ngke kam katinanikuai ngkami aika ibonga n ami taeka ae e kaangai, “Akea te b'ai ae e rangi ni kakaawaki n ana baonikarea te UEA, ao akea manenan karea aikai.”

Maraki 1:12 ပူးပေါင်းရင်းမြစ်များ

2.Tamuera 12:14

Ao e taku Natan, “Eng, ko a tia! Ko bon aki tabe ma te b'ai ae e tangiria te UEA. E a tia ni kab'araa am bure, ma ngaia are, ko na aki mate. Ma e na mate natim are e a tia ni bungiaki.”

Etekiera 41:22

te baonikarea te kai. Bon teuana ma te iterana te miita rietana ao teuana te miita rababana ma ab'akina, ao a karaoaki koonana, aana, ao iterana nako man te kairababa. E taku te m'aane arei nako iu, “Bon aei te kauring b'a E teimatoa te UEA n tarataraa ana Tembora.”

Etekiera 44:16

A na roko n au Tembora, ike a na anga iai taiani karea i aon Au baonikarea ma ni kairiia tabem'aang n te taromauri.

Otea 13:9

Iteraera, bon aei tokim. Kam na aki kaantaningaa buokami mairou.

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Maraki 1:13

Ko a rangi ni kam'araa n te aro are ko bon anga naba taian kanikina aika a buakaka nako iu. Ao kam uoti nako iu taian karea aika maan aika a kimoaaki maan aika a m'auku ke a aoraki. I konaa ni kariaia baikai?

Maraki 2:8

Ma kam a tia ni katinanikuai. A kairiia aomata tabem'aang ami reirei nakon m'akuri aika a bure, ao kam a tia n urua te boraraoi are I karaoia ma ami bakatibu are Rewi.

I-Rom 2:24

B'a e koreaki ae kaangai: “I bukin aromi, ngkami aika I-Iutaia, ao e a riki n taetaebuakaki iai aran te Atua irouia aomata aika tiaki I-Iutaia.”