Maraki 1:11 - Te B'aib'ara

¹¹ E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Maraki 1:11 ပူးပေါင်းရင်းမြစ်များ

1.Rongorongo 16:25

E korakora te UEA ao ti bon riai n anganna ara nebonebo ae moan te bati! Bon ti Ngaia te Atua ae e riai taromauriana iroura

Taian Areru 111:9

E kainaomataia ana botannaomata, ao E karaoa ana boraraoi ma ngaiia ae teimatoa n aki toki. Moan te tabu Ngaia ao E korakora!

Taian Areru 113:3

Kam na neboa aran te UEA man otin taai ni karokoa bungina!

Taian Areru 138:5

A na anenei taekani baika Ko a tia ni karaoi, ma taekani mimitongim ae kamimii.

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Taian Areru 45:17

N na karaoa ae e na ururingaki aram n rooro nako; Ao a na bane aomata nako ni kamoamoako n aki tootoki.

Taian Areru 48:10

Aron aram ngkae e ataaki n taabo nako, Ao ai aron naba katituaraoam ni buta nako i aonnaba ni bane, ngkai a reke am Tokanikai ni m'aakam.

Taian Areru 48:11

A na kakatonga kaain Tion! Ao a na kim'areirei kaain Iuta i bukin am Babaire aika eti.

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 65:9

Ko kaota tararuan te aba iroum ni kab'akaan te karau; Ko kakorakora marina. Te Atua, e on am Karaanga n te ran; Ko karaoa ae e na kona aon te aba ni kariki aroka. Ao aio aroni karaoana iroum:

Taian Areru 67:2

B'a a aonga botannaomata nako n ataa kamaiuan te aba iroum.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Taian Areru 96:8

Angan te UEA te neboaki ae riai nakon Arana; Uota mai te karea nako nanon ana Tembora.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 12:5

Ti na anenea neboam i bukin am m'akuri aika a kamimii n taabo nako n te aonnaba aio.”

Itaia 19:21

E na kaotia te UEA nakoia kaain Aikubita b'a antai Ngaia, ao ane a na ataia ao a na taromauriia te UEA. Ane a na uoti aia karea ma taian angab'ai nakoina, ao ane a na kakoroa nanon aia berita nakoina.

Itaia 30:27

E a roko te UEA man te tabo ae e raroa ma unna ae e korakora ao te bubu n nang ae matenten. E waerake uran ana taeka n un kaanga ai aron te ai ae e urub'ai;

Itaia 45:6

Ngkai a bane aomata n nako mai mainiku nako maeao n ataia ae bon te UEA Ngai. Bon akea riki atua aika koaua.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Amota 9:12

b'a a na manga rawea nikiran aban Etom aomatan Iteraera b'a abaia, ao a na tautaekaniia botannaomata b'a Au aomata. Bon Ana taeka te UEA ae E na karaoi baikai.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Teb'ania 3:9

“Ao N na kaitiaka aia taeka botannaomata nako, b'a aonga n riki aia taeka b'a b'ain neboau; ao a na aki manga neboia anti riki tabem'aang.

Tekaria 8:7

N na kamaiuia aika a anaaki nakon aaba ake i mainiku ao i maeao,

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Maraki 3:3

E na kaitiakia ana kariki Rewi, te UEA kaanga ai aron te tirewa. Ao ane a na uota te angab'ai ae e kaantaningaaki nakon te UEA.

Warekaia Iteraera 7:74

teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

Mataio 28:19

Ma ngaia ae kam na nako ni karikia aomata nako b'a au reirei, ni b'abetitoia nako nanon aran te Tama ma te Nati ma te Tamnei are Raoiroi,

Mataio 8:11

Ao I taku nako imi, b'a a na roko aomata aika bati mai mainiku, ao mai maeao, ao a na tekateka n rarikiriki n am'arake ma Aberaam, ma Itaaka, ma Iakob'a, n Uean te Atua;

Ruka 1:10

Ao a tataro aomata aika bati i tinanikun te ruu are tabu ngke e kabuoki karea ake a boiarara Takaaria.

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 15:16

b'a ana tia m'akuri Iesu Kristo ngai i bukiia aomata aika tiaki I-Iutaia. I m'akuri b'a ai aron te ibonga ngai n tataekina ana euangkerio te Atua, b'a a aonga n riki aomata aika tiaki I-Iutaia b'a ai aroni karea aika E na kukurei te Atua i rouia, aika a tia ni katabuaki i bukina iroun te Tamnei are Raoiroi.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

2.I-Tetaronike 1:12

b'a e aonga n neboaki aran ara Uea are Iesu Kristo i roumi, ao ngkami kam na neboaki i Rouna n ai aron ana akoi Atuara ma te Uea are Iesu Kristo.

1.Timoteo 2:8

Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.