M'akuri 9:31 - Te B'aib'ara

³¹ E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

M'akuri 9:31 ပူးပေါင်းရင်းမြစ်များ

1.Rongorongo 22:18

Ao e taku Tawita: E a tia te UEA ae Atuara ni buokiira ni kataenikaiia aomata ake a maeka ikai mai m'aira, ao E a tia n anganingkami te rau mairouia ara kairiribai ni kabane. Ao ngkai bon ana b'ai te UEA te aba aei ma ana aomata.

1.Rongorongo 22:9

Ma ngkana e uea natim te m'aane, N na anganna te raoi n aki bubuaka ni kabuta abanueana. E na aranaki b'a Toromon i bukina b'a N na karokoa te mwengaraoi ao te rau i nanon ana tai ni uea.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Neemia 5:9

Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 86:11

Te UEA, Ko na reireiai te bae Ko tangiria b'a N na karaoia, Ao N na ongeaba nakoim ma te kakaonimaki; Ko na reireiai b'a N na toro iroum ma te aki nano-tiotio.

Taian Areru 94:13

Ko anganna rauna man taai aika e kiriwe te aba iai ni karokoa kenakin te kinono i bukini kam'aneaia akana buakaka.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 23:17

Tai mataaiakiniia taani bure, ma karinea te Atua n taai nako.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 33:6

bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Tekaria 8:20

I tuangkami b'a ae a na roko ikai aomata mani kaawa ao taabo nako.

M'akuri 12:24

E a buta nako riki ana taeka te Atua, ao a bati riki aomata aika kaeka i nanoia.

M'akuri 16:5

Ma ngaia are, a kakorakoraki ekaretia nakon te onimaki, ao a kabatiaki kaaia n te bong ae koraki.

M'akuri 2:47

ao a kamoamoa te Atua, ao a tangiraki irouia aomata. N te bong ae koraki ao a kam'aitaki riki aia koraki taan onimaki iroun te UEA irouia ake a tib'a manga kamaiuaki.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

M'akuri 5:11

Ao a taonaki n te maku kaain te ekaretia ni kabaneia, ni botaki ma aomata nako ake a ongo taekani baikekei.

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

1.I-Korinto 14:12

Ao ai aromi naba, ngkai kam rangi n tangiri b'aai n tituaraoi ake mairoun te Tamnei, ao kam na ukoukori b'a a na m'aiti i roumi i bukini kateimatoan te ekaretia.

1.I-Korinto 14:26

Ao tera ngkanne, taari? Ngkana kam botaki, ao temanna e anene, ao temanna e reirei, ao temanna e taekina te kaotioti are roko i rouna, ao temanna e taetae n te taetae ae aki ataaki, ao temanna e kab'ara nanon te taetae ae aki ataaki; a na bane ni karaoaki baikai i bukini kateimatoaia akana onimaki.

2.I-Korinto 10:8

B'a e boni ngae ngkana tao I kabatia kamoamoau i bukini m'akara are anganira te UEA i bukini kateimatoami ma tiaki i bukini kab'akami, ao I bon aki mamaa;

2.I-Korinto 12:19

Kam a tia ni kaman iangoia i nanomi b'a ti karekei aonara nako imi. Ti taetae i matan te Atua i nanoni Kristo, b'a a karaoaki b'aai ni kabane i bukini kateimatoami, raou aika kam tangiraki.

2.I-Korinto 13:10

Ma ngaia ae I koroi baikai, ngkai I aki mena i roumi, b'a e aonga n ae ngkana I roko ao N na aki matoatoa nako imi n arou ni kamanena te m'aaka are E a tia n anganai te UEA, are te m'aka ni kateimatoa, ma tiaki n uruuru.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Ebeto 4:12

E karaoa aei i bukini kabobongaia ake a itiaki nakoni karaoan nakoaia, are kateimatoan rab'atani Kristo;

I-Ebeto 4:16

Ao boni mai Rouna are a bane iai b'ain nako te rab'ata n nim raoi, ma n tauaki b'a te rab'ata ae b'anin n taian toma n ri n ai aroni baireaia. Ma ngaia ae ngkana a bane b'ain nako te rab'ata ni karaoi aia m'akuri n tatabeua nako n ai aroni baireaia, ao e na rikirake te rab'ata ma ni kateimatoaki n te tangira.

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Ebeto 5:21

ao kam na aan-taeka, temanna iroun temanna, b'a kaotani karineani Kristo iroumi.

Te Tua-Kaua 12:10

ao ai uana naba ma aia man aika karimoa n aia nanai ni kao, aia nanai n tiibu, ao aia nanai n kooti

I-Biribi 2:1

Ma ngaia aei, ngkai e reke karauan te nano irouni Kristo, ngkai iai kaungaan te nano n te tangira, ngkai iai te i-raorao ma te Tamnei, ngkai iai te ataataiaomata ma te nanoanga,

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

1.I-Tetaronike 5:11

Ma ngaia ae kam na i karau nanomi, ao kam na i kateimatoaingkami, n ai aron ae kam kakaraoia.

1.Timoteo 1:4

ao a na tai kabanebuakai aia tai ni karaki nikawai aika oteaki ma taiani kateiriki aika rangi n ananau, aika kariki taiani kauntaeka, ao a aki buoka ana kaantaninga te Atua are e ataaki n te onimaki.

Ebera 4:9

Ma ngaia ae bon iai te motirawa n Taabati nakoia ana aomata te Atua.

Iotua 21:44

E anga te rau te UEA nakoia ni kabutaa aonteaba n ai aron are e a tia ni berita iai nakoia aia bakatibu. Bon akea riki ana kairiribai Iteraera ae kona ni manga eekaanako Iteraera b'a E angaanga te tokanikai te UEA nakoia Iteraera i aoia aia kairiribai ni kabane.

Iuta 1:20

Ma ngkami aika kam tangiraki, kam na waki ni kateitei aromi i aon ami onimaki ae moan te tabu; ao kam na tataro n aroni kairami iroun te Tamnei are Raoiroi;

Tani Motiki-taeka 3:30

E bon rangi ni konaaki buaka Moaaba, ao e bon rangi ni maan manga kaokan korakoraia ni manga buakana riki Iteraera. Ao e tiku n rau Iteraera i nanon 80 te ririki.