M'akuri 8:37 - Te B'aib'ara

³⁷ E taku Biribo nakon te iunaki, Ko na b'abetitoaki ngkana ko onimaki ma nanom ni koaua. Ao ngaia e taku, I kakoaua b'a Iesu Kristo bon Natin te Atua.

M'akuri 8:37 ပူးပေါင်းရင်းမြစ်များ

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mataio 28:19

Ma ngaia ae kam na nako ni karikia aomata nako b'a au reirei, ni b'abetitoia nako nanon aran te Tama ma te Nati ma te Tamnei are Raoiroi,

Mareko 16:16

Ane onimaki ao e b'abetitoaki, ao e na kamaiuaki; ma ane aki onimaki ao e na kabuakakaki.

Ioane 11:27

E kaeka ao e taku, “Eng, te Uea. I kakoaua b'a te Kristo Ngkoe, are Natin te Atua, are Ngaia are na roko i aonnaba.”

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Ioane 6:68

E kaekaa Betero ao e taku, “Te Uea, ti na nako n antai? A mena iroum taeka aika e reke mai iai te maiu are aki toki.

Ioane 9:35

E ongo taekan teuare a tia ni kaureaki matana Iesu ngke e kaotinakoaki. Ngke e reke i rouna, ao E titirakinna ni kaangai, “Ko onimakina Natin te Aomata?”

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 8:12

Ma ngke a kakoauaa Biribo n ana rongorongo aika raraoi ake e taekin i bukin Uean te Atua ma aran Iesu Kristo, ao a b'abetitoaki, mm'aane ma aine.

M'akuri 8:21

Akea nakoam ao akea tib'angam n te baei, b'a e aki eti nanom i matan te Atua.

M'akuri 8:36

Ao ngke a wakina kawaia, ao a roko n te tabo ae iai te ran iai; ao e taku te iunaki, “Noria, kai aei te ran; tera ae tukai b'a N na aki b'abetitoaki?”

M'akuri 8:38

E tua ngkanne te iunaki b'a e na tei te ka; ao e ruo ma Biribo nako nanon te ran, ao e b'abetitoaki irouni Biribo.

M'akuri 9:20

E nako ni m'aneaba nako ao e tataekina Iesu b'a Natin te Atua Ngaia.

I-Rom 10:10

B'a e onimaki te aomata i nanona ao e reke i rouna kaetan arona n reitaki ma te Atua; e tataekina ana onimaki ni wina ao e kamaiuaki.

1.I-Korinto 12:3

Ma ngaia ae I kaotia nako imi, b'a bon akea ae kairaki iroun Tamnein te Atua, ae e kangai, “Ke e reke kain Iesu!” Ao akea ae kona ni kangai, “Te UEA Iesu”, ma ti ngkana e kairaki iroun te Tamnei are Raoiroi.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;

1.Ioane 4:15

Ane kaotia n ana taeka b'a e onimakina Iesu b'a bon Natin te Atua, ao E nim te Atua ma ngaia, ao ngaia e nim ma te Atua.

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

1.Ioane 5:5

Ao antai ae kataea ana kai te aba, tiaki ane kakoaua b'a bon Natin te Atua Iesu?