M'akuri 7:58 - Te B'aib'ara

⁵⁸ ao a taua ma te matoa ni kaotinakoa man te kaawa, ao a karebanaia; ao taani kakoaua akekei a katiku kunnikaia iroun te rorobuaka temanna, ae arana Tauro, b'a e na tararuai.

M'akuri 7:58 ပူးပေါင်းရင်းမြစ်များ

1.Uea 21:13

Ao a bukinna ni taetaebuaka te Atua ao te uea, ma ngaia are, a uaakinna aomata nako tinaniku ao a karebanaia n atiibu ni karokoa matena.

Warekaia Iteraera 15:35

Ao i mwiina, E taku te UEA nakoni Moote, “Tuangiia aomata b'a a na uota te aomata anne nako tinanikun te maeka, ao karebanaia ni karokoa matena!”

Ruka 4:29

Ao a tei rake, ao a kanakoa Iesu man te kawa. A kairia nakon te tabo ae katati ae rarikin te tabuki are e tei i aona aia kawa, b'a a na karenakoa maiai.

M'akuri 22:20

ao ngke e tiringaki Tetebano are e tataetae i bukim, ao ngai naba are I tei ni kakoauaa b'a e bon riai matena, ao I kawakini kunnikaiia ake a kamatea.”

M'akuri 22:23

Ao ngke a takarua ma n raeuai kunnikaia ma ni kaurakea te tano.

M'akuri 22:4

I b'ainikiriniia kaain te Aro aei, ao I kareke naba mateia. I kabaeia mm'aane ma aine, ao I kaakiia i nanoni karabuuti.

M'akuri 26:10

Ao I karaoi baikai i Ierutarem; ao I kainiia ake a itiaki aika bati i nanoni karabuuti ngke I anganaki te m'aaka ni karaoia mairouia ibonga ake mataniwi; ao ngke a kamateaki, ao ngai I kaota naba nanou ni kariaia.

M'akuri 6:11

Ma ngaia are, a kaboia aomata tabem'aang b'a a na atonga ae kaangai, “Ti ongo ana taeka n eekaanako Mote ma te Atua!”

M'akuri 6:13

ao a kateia taani kaotioti aika kewe, ao a kaangai uakekei, “E aki toki te aomata aei n taekin taeka aika aki raraoi i bukin te tabo ae tabu aei, ma te Tua;

M'akuri 7:57

Ao a takarua te koraki arei n te b'anaa ae korakora, ao a bonoti taningaia ni baiia, ao a biri ni botaki ma te nano ae ti teuana n eweka aona;

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.