M'akuri 7:55 - Te B'aib'ara

⁵⁵ Ma e on n te Tamnei are Raoiroi Tetebano, ao e kanene matana n tara karawa. E nora mimitongin te Atua, ma Iesu b'a E tei i angaatain te Atua;

M'akuri 7:55 ပူးပေါင်းရင်းမြစ်များ

Taian Areru 109:31

Ko buokiia aika kai nanoia, ao ko kamaiua mairouia akana motika taekana b'a e na kamateaki.

Etekiera 10:18

Ao i mwiina, e kiitana mataroan te Tembora raneanean mimitongin te UEA ao e toki i aon maan ake iai baiia ni kiba akekei.

Etekiera 10:4

ao e m'ananga nako mimitongin te UEA mai aoia maan ake iai baiia ni kiba ao a tei ni mataroan te Tembora. Ao e kaonaki te Tembora ni kabane ni mimitongina, ao e raitiiti n raneanea katawanangin te Tembora.

Etekiera 11:23

ao e kiitana Ierutarem ao e tei i aon te tabuki are i mainikun te kaawa are e buubura arei.

Etekiera 3:23

Ao I m'ananga nakon te m'arua n te tai naba arei, ike I a noora raneanean mimitongin te UEA, n aron are I nooria naba ngkoa i rarikin te Karaanga are Keeb'ara, ao I bobaraaki ni kaboo matau ma aontano.

Mika 3:8

Ma ngai bon irou, E a tia ni karina tamneina ao korakorana te UEA irou, ao E anganai ataakin te eti ao te ninikoria ni kan tuangiia Iteraera aroia aika a bure.

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

Ioane 11:41

A kaaki ngkanne te atibu. Ao E tara rake Iesu, ao E taku, “Tamau, I kaitauko b'a Ko ongo irou.

Ioane 12:41

E atongi baikai Itaia i bukina b'a e a kaman nora mimitongin Iesu, ao e taekinna.

Ioane 14:3

Ao ngkana I nako ni katauraoi nne i bukimi, ao N na manga oki ni kairingkami nako iu; b'a ike I mena iai, ao kam na mena naba iai.

M'akuri 2:4

A bane ni kaonaki n te Tamnei are Raoiroi, ao a taetae n taetaen aaba tabeua, n ai aron are E anganiia te Tamnei b'a a na taetae iai.

M'akuri 4:8

E kaonaki Betero n te Tamnei are Raoiroi, ma ngaia are e taku nakoia, Ngkami aika aia mataniwi aomata, ma unimm'aane,

M'akuri 6:10

Ma a aki kona ni kaitaraa Tetebano n aia taeka i bukina b'a E a tia te Tamnei are Raoiroi n anganna te rabakau n taetae.

M'akuri 6:3

Ma ngaia aei, taari, kam na rineia itiman i buakomi aika kakoauaki b'a a on n te Tamnei ma te rabakau, ao ti na katabeia n te m'akuri aei.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 6:8

E rangi ni kakab'aiaki Tetebano iroun te Atua, ao e on n te m'aaka: e karaoi m'akuri ni kamimii aika ab'ab'aki ma kanikina i buakoia aomata.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 8:1

Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

2.Betero 1:17

B'a E anganaki te karineaki ma te neboaki mairoun te Atua are te Tama, ngke e roko te b'ana nakoina mairoun te Mimitong are Moan te Tamaroa, are kaangai, “Natiu ae tangiraki Teuaei, ae I kakatonga i rouna!”

Te Kaotioti 21:11

ao raneaneana ai aron raneanean te atibu ae rangi ni kakawaki; kaanga ai aron te atibu are te iatebi, ae tara ni kiraati n ai aron te kirutitaro.