M'akuri 7:50 - Te B'aib'ara

⁵⁰ Tiaki b'a a bane ni karaoaki baikai ni kabane irou?

M'akuri 7:50 ပူးပေါင်းရင်းမြစ်များ

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

M'akuri 17:24

Te Atua, are karaoa aonnaba ma b'aai ni kabane aika i nanona, bon Ueani karawa ma aon te aba, ao E aki maeka n taabo n taromauri aika karaoaki ni baiia aomata.