M'akuri 7:38 - Te B'aib'ara

³⁸ Boni ngaia are mena i buakoia aomata n te rereua. E mena ikekei ma ara bakatibu ao te anera are taetae nakoina n te maunga are Tinai; e anganaki taeka ni kamaiu b'a e na anganira.

M'akuri 7:38 ပူးပေါင်းရင်းမြစ်များ

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

M'akuri 7:30

Ao ngke a koro angaun te ririki, ao e kaoti te anera nakoni Mote n uran te ai n te kai n te rereua are i rarikin te maunga are Tinai.

M'akuri 7:35

Mote aei, are a rawa i rouna, ngke a kaangai, “Antai ae karaoiko b'a te tia tautaeka ao te tia motiki-taeka?” Boni ngaia are e kanakoaki iroun te Atua b'a te tia tautaeka ao te tia kamaiu n ana buobuoki te anera are kaoti nakoina n te kai.

M'akuri 7:53

Ngkami aika kam anganaki ana tua te Atua n aia buobuoki anera, ao kam aki kawakinna!”

I-Rom 3:2

E bati n aaro nako. B'a mai moana ao E mwiokoia I-Iutaia te Atua b'a a na kawakina ana taeka.

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

I-Karatia 3:19

Tera ngkanne manenan te Tua? E roko te Tua b'a raon te boraraoi, ao e bongana i bukin taiani bure, ni karokoa rokon Temanna n ana kariki Aberaam, are E anganaki te taeka n akoi. E anganaki te aba te Tua irouia anera ni bain te aomata ae te tia itoman i marenan te Atua ma aomata.

Te Tua-Kaua 33:4

Ao I tewea te bowi irouia barongan Iteraera ma n anganingkami ana Tua te Atua.

Ebera 2:2

B'a ngke e noraki aron te taeka are taekinaki irouia anera b'a e koaua, ao ngke a reke booni buure ni kabane ma aki ongeaba ni kabane aika booia aika riai,

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Ebera 5:12

Kam a riai ni kaman tia n riki b'a taan reirei, ma ae kam bon tangira naba temanna b'a e na reireingkami baike moan reirei n ana taeka te Atua; ao ae kam bon teimatoa naba n tangira te miriki, ao tiaki te am'arake ae matoatoa.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.