M'akuri 7:35 - Te B'aib'ara

³⁵ Mote aei, are a rawa i rouna, ngke a kaangai, “Antai ae karaoiko b'a te tia tautaeka ao te tia motiki-taeka?” Boni ngaia are e kanakoaki iroun te Atua b'a te tia tautaeka ao te tia kamaiu n ana buobuoki te anera are kaoti nakoina n te kai.

M'akuri 7:35 ပူးပေါင်းရင်းမြစ်များ

Taian Areru 75:7

Bon te Atua ae motikitaeka, ni kabuakakaia tem'angina ao ni karaoiroia tabem'aang.

Taian Areru 77:20

Ko kairiia am Botannaomata irouni Moote ma Aaron, kanga ai aron te tia kawakin-tiibu ngkana e kaira te nanai n tiibu.

Te Otinako 14:19

Ao E a manga nako aneran te UEA are memena i moaia tautian Iteraera nako ni mena mai buki. Ao e m'aing nako naba te boua te nang ni karokoa

Te Otinako 14:24

Ao E tarai naao te UEA mai aon te boua te ai, ao te boua te nang i m'aain ingin mainiku n tara aia taanga ni buaka kaain Aikubita, ao E katakakaiia.

Te Otinako 2:14

Ao e taku te mm'aane arei, “Antai ae e tuangko b'a ko na tararuaira ma ni karikiko b'a te tia motiki taekara? Ko nang manga tiringai naba, n aron te I-Aikubita arei?” Ao e maaku Moote n te b'ai arei, b'a e a kakoaua b'a a tia aomata n ataa te b'ai are e a tia ni karaoia.

Te Otinako 32:34

Ngkai ko na kairiia aomata nakon te tabo are I a tia n tuangko, ao e na kairiko Au anera. Ma N na katuaaia i bukin aia bure aei ngkana e roko te tai arei.

Te Otinako 33:2

Bon te aba are e rawata iai te miriki ao ana karewe te manibeeru, ao N na kanakoa te anera b'a e na kairoroia ni kanakoia aomata ake a maeka ikekei,

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Warekaia Iteraera 20:16

Ao ngke ti bubutiia te UEA buokara, ao E kaeka ara tataro, ao E kaotinakoira man te aba arei. Ngkai ae ti katei auti n rianna n tian abam i rarikin te kaawa are Kateti.

Mareko 12:26

Ao ni kaeti ma taekaia maate ake a manga uti: kam tuai ni wareware n ana boki Moote are taekinaki iai rongorongon te kai are bue, ao e kaotaki naba iai aron te Atua ngke E kangai nakoni Moote: ‘Atuan Aberaam Ngai, ao Atuan Itaaka, ao Atuan Iakob'a.’

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

Ioane 18:40

A tatakarua ngkanne nakoina ni kaangai, “Tiaki Teuaei, ma B'arab'a.” B'arab'a bon te tia kam'arua.

Ioane 19:15

Ao ngaiia a takarua ngkanne nakoina ao a kaangai, “Kamatea, kamatea, kamatea n te kaibangaki!” E taku Birato nakoia, “N na kamatea ami Uea n te kaibangaki?” A kaeka ibonga ake mataniwi ao a kaangai, “Akea ara uea b'a ti uean te tautaeka n Rom.”

M'akuri 2:36

Ma ngaia ae kam na ataia ni koaua ngkami aika Iteraera ni kabaneingkami b'a E a tia te Atua ni karika Iesu b'a te UEA ao te Kristo.

M'akuri 3:22

B'a e kaangai Mote, “Ane E na kateirakea te burabeti temanna te UEA ae te Atua i bukimi mai buakoia ami botannaomata, b'a ai arou; kam na ongo i rouna ni b'aai ni kabane akana E na atong nakoimi.

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

M'akuri 7:30

Ao ngke a koro angaun te ririki, ao e kaoti te anera nakoni Mote n uran te ai n te kai n te rereua are i rarikin te maunga are Tinai.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

I-Korote 1:15

Kristo boni katotongan te Atua ae aki nonoraki, ao bon te moa n Nati ae kakannato i aoni b'aai ni kabane aika karikaki.

Ebera 2:2

B'a ngke e noraki aron te taeka are taekinaki irouia anera b'a e koaua, ao ngke a reke booni buure ni kabane ma aki ongeaba ni kabane aika booia aika riai,

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.

1.Tamuera 12:8

I mwiin nakon Iakob'a nako Aikubita, ao a tang ami bakatibu nakon te UEA i bukin buokaia, ao E kanakoa Moote ma Aaron te UEA. Ao a kairiia ami bakatibu mai Aikubita ao E katekatekaia n te aba aei.