M'akuri 28:15 - Te B'aib'ara

¹⁵ Ngke a ongo taekara taari ake i Rom, ao a roko ni butim'aira tem'angina n ana tabo ni m'akete Abia, ao tem'angina n te tabo ae aranaki b'a Auti-n-iruwa-aika-tenua; ao ngke e nooriia B'auro ao e katituaraoa te Atua, ao e kauungaki nanona i rouia.

M'akuri 28:15 ပူးပေါင်းရင်းမြစ်များ

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Te Otinako 4:14

Ao E a un te UEA iroun Moote ao E taku: Ao e uara tarim are Aaron, are kanoan Rewi? I ataia b'a te tia taetae. Ae i aoni kawaina n nako mai b'a e na kawariko, ao e na bon kukurei ni manga nooriko.

Ioane 12:13

A anai baanikaai aika aroni baan te ni, ao a nako ni butim'aia, ao a takarua ni kaangai, “E na neboaki te Atua! E na kakab'aiaki Teuae nakomai n aran te Atua. E na kakab'aiaki aia Uea Iteraera!”

M'akuri 1:15

N te bong teuana ao e teirake Betero i buakoia taari akekei, ae tao tebubua ma uangaun m'aitiia ake a botaki ao e taku,

M'akuri 10:23

E kariniia ngkanne uakekei Betero, ao e katikuia i rouna. Ngke e a ingabong ao e katauraoia Betero, ao e iriia; iai taari tabem'aang aika I-Iobe ake a ira Betero.

M'akuri 10:25

Ma ngaia are, ngke e nangi rin Betero, ao e butim'aia Korenerio ni b'aka i rarikini waena, ao e bobaraaki ni kaota karineana ae moan te bati.

M'akuri 11:1

A ongo taan tuatua ma taari ake a mena i Iutaia, b'a a tia naba aomata ake tiaki I-Iutaia ni butim'aea i nanoia ana taeka te Atua.

M'akuri 11:12

E tuangai te Tamnei b'a N na iriia n aki nanokokoraki. A irai naba taari aika onoman aikai, ao ti nako n rin n ana auti Korenerio.

M'akuri 12:17

Ao ngaia e taotaona baina nakoia, b'a a na aki karongoa, ao e tuangiia arona ngke E kairiia nako te UEA mai nanon te karabuuti. Ao e taku, “Kam na tuanga Iakobo ma taari nako taekani baikai.”

M'akuri 21:5

Ao ngke a bane ara bong i Turo, ao ti m'ananga n nako. A bakaborauira te koraki arei ma buuia ma natiia nako tinanikun te kaawa; ao ti katorobubua i aon te bike, ao ti tataro.

M'akuri 28:14

Ti kaitibo iai ma taari, ao ti butiaki b'a ti na mena i rouia itibong; ao ai ngaia anne aroni kawaira n roko i Rom.

I-Rom 15:24

Ngkana I m'ananga nako Tibein; ao I kaantaningaia b'a N na noringkami i aoni kawaiu n au tai ni m'ananga, ao ni bakaborauaki nako iai iroumi i mwin tiau n nora aroni kakukurein te mena i buakomi i nanon te tai ae kimototo.

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

I-Karatia 4:14

E riki mamarau b'a te kangaanga nakoimi, ma kam aki kaota ae kam kakeaa bongana ke kam ribaia; ma kam m'aneai n akoai b'a kanga ai aron ana anera te Atua ngai, ao b'a kanga ai aroni Kristo Iesu.

1.I-Tetaronike 3:7

Ma ngaia aei, taari, i buakoni kain nanora ma rawawatara ni bane ao a karauaki nanora i roumi n ami onimaki:

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,